Nazioarteko Zuzenbide Humanitarioa betetzeko eskatu dio Bidenek Netanyahuri
Joe Biden AEBko presidenteak Nazioarteko Zuzenbide Humanitarioa errespetatzeko eskatu dio igande honetan Benjamin Nentanyahu Israelgo lehen ministroari, Gazako Zerrendaren aurkako erasoaldi militarraren bigarren fasean indarkeria areagotu ostean.
"Presidenteak berretsi du Israelek eskubide eta erantzukizun osoa duela herritarrak terrorismotik defendatzeko, eta zibilen babesari lehentasuna ematen dion Nazioarteko Zuzenbide Humanitarioarekin koherentziaz defendatzeko beharra azpimarratu du", adierazi du Etxe Zuriak ohar batean.
Lehen aldia da Bidenek Israelek Nazioarteko Zuzenbide Humanitarioa errespetatzeko beharra hain argi defendatzen duela, joan den urriaren 7an Hamaseko miliziek Israelen aurka egindako erasoei erantzunez Gazako Zerrendan abiatutako errepresalia-operazio militarrak hasi zirenetik.
Era berean, "Gazan dauden zibilen beharrak asetzeko laguntza humanitarioa berehala eta modu nabarmenean handitzeko beharra nabarmendu du presidenteak", gaineratu du Washingtonek.
"Bahituak aurkitzeko eta askatzea lortzeko martxan dauden ahaleginak" ere izan dituzte hizpide telefonozko elkarrizketan, desagertuta jarraitzen duten eta Hamasek bahituta izan ditzakeen AEBko herritarrak tartean.
Bestalde, Rishi Sunak Erresuma Batuko lehen ministroak eta Emmanuel Macron Frantziako presidenteak ere telefonoz hitz egin dute, eta "janaria, erregaia, ura eta ezinbesteko botikak helarazteko ahaleginetan" elkarlanean aritzea adostu dute.
Israelek Gazako operazioen hedapena iragarri ondoren, Sunak eta Macron kezkatuta agertu dira indarkeriak gora egin dezakeelako, batez ere Zisjordanian.
AEBk kolono israeldarren indarkeria geldiarazteko eskatu dio Netanyahuri
Bestalde, Jake Sullivan AEBko Segurtasun Nazionaleko aholkulariak Netanyahuri eskatu dio bere erantzukizuna onartu eta Gazako gerra hasi zenetik kolono israeldarrek Zisjordaniako palestinarren aurka egin dituzten erasoak geldiarazteko.
"Netanyahuren erantzukizuna da kolonoak geldiaraztea", adierazi du Sullivanek, eta Palestinako herritarren aurkako jazarpena "guztiz onartezina" dela gehitu du. Orain areagotu egin dira erasoak, baina hilabateak daramatzate kolonoak palestinarrei erasotzen, lehen ministroaren gobernu-koalizio zaharreko kide ultranazionalistek bultzatuta.
Koalizio hori kontzentrazio-gobernu batek ordezkatu zuen, eta, orain, aliatu ultraeskuindarrek, Itamar Ben Gvir Segurtasun Nazionaleko ministroak esaterako, horrelakoak bultzatzen jarraitzen dute. Atzo bertan 40 urteko palestinar bat hil zuen tiroz kolono talde batek, Nablusetik gertu olibak biltzen ari zela, Israelgo Armadak berak baieztatu zuenez.
"Espero dugu denborak aurrera egin ahala Israelgo Gobernuak ahalegin handiagoa egingo duela arazoa kitatzeko. Indarkeria mota honen protagonista diren muturreko kolonoek justiziaren aurrean erantzutea espero dugu", adierazi du.
Frantziak ere gogor gaitzetsi ditu kolono israeldarrek Zisjordania okupatuan egindako erasoak, azken egunetan "biderkatu" egin direlako eta "onartezinak" direlako. Halaber, Macronen Gobernuak Israelgo Gobernuari eskatu dio "neurriak har ditzala lehenbailehen herritar palestinarra babesteko, bereziki Susiyako komunitatea, mehatxu gogorrak jaso baitituzte".
Zure interesekoa izan daiteke
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".