Gazako emakumeak kalean erditzen dira, ez dute produktu menstrualik eta desnutrizioaren biktima dira
Gazako andreek azalean bizi dute indarkeria, ez soilik Israelen eta Hamasen arteko gatazkatik eratorritakoa, emakume izate hutsagatik jasaten dutena baizik. Kalean erditzera zigortu dituzte, ez dute produktu menstrualik eta haien bularreko haurrei eragiten dien desnutrizioaren biktima dira.
Gisa horretara irudikatu du Gazako Zerrendako agertokia Raquel Martik, NBEk Palestinako errefuxiatuentzat duen agentzian batzorde espainiarraren zuzendari exekutibo denak.
"Ospitaleek ezin dituzte pazienteak artatu, jendez gainezka daudelako, eta horrek emakumeen eta haurren osasun zerbitzuetan arrakala larria sortu du. Emakumeen osasunarekin lotutako larrialdiko arreta, jaioberrien arreta eta sexu zein ugalketako osasuna bazter utzi dituzte", ohartarazi du Martik.
Haren hitzetan, 50.000 andre inguru daude haurdun Gazako Zerrendan, eta egunean 160 ume jaiotzen dira "baldintza oso latzetan".
"Emakume horietako asko ezin dira erietxera iritsi, eta babeslekuetan, beteta dauden ospitaleetan, etxean edo hondakin artean erditzen dira, inolako arretarik gabe", esan du, eta salatu, geroz eta baldintza "kaskarragoak" dituztela, eta infekzioak harrapatzeko nahiz arazo larriagoak edukitzeko arrisku handia dutela, "baliabide eskasiagatik".
Zerrendan gerra piztu zenetik, emakume eta ume asko ari dira gaztakaren albo kalteak pairatzen. Urriaren 7az geroztik, 15.000 lagun hil dituzte; tartean, 6.150 adingabe eta 4.000 emakume, Hamasen Gobernuak berri eman duenez.
Istiluek, gainera, ondorio zuzenak dituzte emakumeen buruko osasunean, "muturreko egoeran" baitaude, handik irtetera behartuta ikusi baitira eta senitartekoen (adinekoak, gaixorik dauden pertsonak eta umeak) zaintzaz arduratu behar direlako.
Genero indarkeria kasu gehiago daude
Raquel Martik erreparatu du, halaber, aterpetxeetako eta ostatutetako jende pilaketek tentsioa areagotu dutela familietan, eta horrek genero indarkeria haztea ekar lezakeela.
Nolanahi dela, gaur-gaurkoz, Gazako Zerrendan ez dago indarkeriaren biktimak artatzeko gobernuz kanpoko erakunderik, ezta elkarterik edo ospitalerik ere.
Zure interesekoa izan daiteke
AEBetako bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.