AEBk Gazan su-etena eskatzen zuen beste ebazpen bati betoa jarri dio eta baldintzapeko menia proposatu du
Hirugarrenez, Nazio Batuen Segurtasun Kontseiluan duen beto eskubidea baliatu dute Ameriketako Estatu Batuek (AEB) Gazan berehalako su-eten bat oztopatzeko. Aljeriak eraman du proposamena, herrialde arabiarren izenean.
Ebazpenak 13 aldeko boto jaso ditu, kontrako bat (AEB) eta abstentzio bat (Erresuma Batua). Onartua izateko, baina, gutxienez aldeko 9 boto eta Kontseiluko bost kide iraunkorren (Txina, Frantzia, Errusia, Erresuma Batua eta AEB) betorik ez jasotzea behar zen.
Berehalako meniaz gain, honakoak aldarrikatzen zituen testuak: Palestinako zibilen nahitaezko lekualdaketaren salaketa eta bahitutakoak askatzeko eta laguntza humanitarioa sartzeko eskaera.
AEBren ebazpen alternatiboa
AEBk iragarri du beste ebazpen bat lantzen ari dela (oraindik ez du bozketa datarik). Aurreratu duenez, "aldi baterako" su-etena proposatuko du, baldintzaz betea. Besteak beste, Hamas gaitzestea, bahitutakoak askatzea eta Israel eta Palestinako estatuak aitortzea galdegingo dute.
Linda Thomas-Greenfield enbaxadoreak adierazi duenez, Aljeriaren testuak ez du behin betiko bakea ziurtatuko, eta bahitutakoen oinazea eta krisi humanitarioa luzatuko ditu. Horren ustez, aurki aurkeztuko duten testuak, ordea, norabide horretan lagunduko du. "Negoziazio delikatuak ditugu eta ez da tankera honetako ebazpen bat onartzeko unea, arriskuan jarriko luke dena", gaineratu du.
Errusiak eta Txinak gogor salatu dute AEBren jarrera. Vassily Nebenzia Errusiako enbaxadorearen esanetan, AEBk "hiltzeko lizentzia" eman dio Israeli.
Bozketaren ostean, Riyad H. Mansour Palestinako Estatuaren behatzaile iraunkor eta enbaxadoreak deitoratu du nazioartearen "ia aho bateko eskaerak gorabehera" Israelek gogor erasotzen jarraitzen duela. "Azken 20 egunetan bakarrik, Israelek ia 4.000 ume, emakume eta gizon hil ditu. Ezer ere ez egitearen ondorio deitoragarria da", salatu du.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.