Putinek aitortu du islamista erradikalek egin dutela Moskuko atentatua, baina Ukrainaren eskua atzean egonda
Vladimir Putin Errusiako presidenteak aitortu du islamista erradikalek egin dutela Moskuko atentatua, baina Ukrainaren esku beltza atzean dagoela nabarmendu. Hala, presidente errusiarrak esan du ikertu behar dela "nori egiten dion mesede" jada 139 hildako utzi dituen erasoak.
"Badakigu islamista erradikalek egin zutela atentatua, eta badakigu zein ideologiaren izenean, mundu islamiarrak mendeak daramatza-eta horren kontra borrokan", azpimarratu du telebistaz emandako agerraldi batean.
"Eta badakigu naziek ez dutela erreparorik bitarteko zikinenak eta ankerrenak erabiltzeko euren helburuak lortzeko", argudiatu du.
Putinek ez du guztiz onartu nahi mendebaldeko inteligentzia zerbitzuek darabilten hipotesia, alegia, atentatua Estatu Islamikoak eginda dela, taldeak bere gain hartu duen arren. "Badakigu nork gauzatu zuen Errusiaren eta errusiarren kontrako krimena. Baina argitu nahi duguna da nork eskatuta egin zuten", aldarrikatu du.
Putinen aburuz, Moskuko atentatua Ukrainak "egin ohi dituen larderia ekintza odoltsuen logikaren barruan dago", Krimearen kontrako eta mugen kontrako erasoei erreferentzia eginda.
Hala, gogora ekarri du Ukrainako kontra ofentsibak "porrot" egin duela "erabat", eta hortaz, "Ukrainak agerian utzi behar du ez dagoela dena galduta".
"Zergatik saiatu ziren terroristak Ukrainatik ihes egiten? Nor zuten zain?", galdetu du.
Aurrez, Kremlinek ez du adierazpenik egin nahi izan atentatuarekin zerikusia dutelakoan atxilotu dituzten 11 pertsonetatik 4k deklaratzera joatean zuten itxura eskasari buruz (indarkeria zantzuekin azaldu dira laurak). "Basakeriari emandako erantzunak ezin du basakeria izan", adierazi dute Torturaren kontrako Batzordetik.
Zelenskik Putini buruz: "Piztia gaixo eta ziniko hori"
Azkar heldu da Volodimir Zelenski Ukrainako presidentearen erantzuna. "Putinek bere buruarekin hitz egin du gaur berriro, eta telebistaz eman du. Beste behin, Ukrainari leporatu dio dena. Piztia gaixo eta ziniko hori", adierazi du X sare sozialean gauero egin ohi duen hitzaldian.
Ukrainako presidentearen aburuz, Putinentzat "denok gara terroristak, bera izan ezik, bi hamarkada daramatzan arren terrorea zabaltzen. Putin da terrorismoaren erakusleiho handiena. Bera eta bere zerbitzu bereziak. Desagertzen denean, berarekin joan dira terrorea eta indarkeria", nabarmendu du.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.