Borrellek zigorrak jarri nahi dizkie Israelgo ministroei, Zisjordanian kolonoen indarkeria ahalbidetzeagatik
Josep Borrell Europar Batasuneko Atzerri eta Segurtasun Gaietarako goi ordezkariak mahaigainean jarri du Israelgo Gobernuko kideei zigorrak ezartzea, kolonoak okupatutako Zisjordaniako herritarren aurka erabiltzen ari diren indarkeria ahalbidetzeagatik.
"Berretsi egiten dut EBk kolono bortitzen bideratzaileen aurka, Israelgo Gobernuko kide batzuk barne, zigorrak jartzeko proposamena aurkezteko asmoa", zabaldu du X sare sozialaren bidez.
Borrellek gaitzetsi egin du kolono israeldarrek Jit herrixkan palestinarren aurka egindako azken erasoa, bakea arriskuan jartzen duen Israelen indarkeriaren "zigorgabetasuna" islatzen duena. Makilak, su-armak eta molotov koktelak zeramatzaten ehun bat kolono israeldarrek palestinarrei masiboki eraso zieten Zisjordaniako iparraldeko herri batean, eta pertsona bat hil zuten. Herritarrak kexu dira Israelgo okupazio indarrek ez dituztelako babesten.
"Jit herrixkan kolonoek egindako erasoak gaitzesten ditugu. Eraso horien helburua zibil palestinarrak izutzea da. Egunez egun, ia erabateko zigorgabetasunean, kolono israeldarrek indarkeria elikatzen dute okupatutako Zisjordanian, eta bakerako edozein aukera arriskuan jartzen laguntzen dute", idatzi du.
"Ekintza onartezin horiek berehala amaitu behar dira", esan dio Borrellek Israelgo Gobernuari.
Aldez aurretik, Borrellek Itamar Ben Gvir Israelgo Segurtasun Nazionaleko ministroa kritikatu du, Meskiten Zabalguneko egungo urraketak defendatzeagatik eta palestinarrei laguntza eteteko deia egiteagatik, baita Bezalel Smotrich Finantza ministroa ere, bi milioi palestinar gosez hiltzen uzteko eskatu baitu. Kolonoak dira biak.
Nazioarteko Justizia Gorteak okupatutako lurraldeetako kolono guztiak erretiratzeko eskatu dio Israeli, kokaleku horiek legez kanpokoak baitira.
Zisjordania okupatuan azken bi hamarkadetako eraso israeldar bortitzenak azken hilabeteotan gertatu dira. 2024an, gutxienez 290 palestinar hil ditu Israelen indarkeriak, 70 adingabe barne, EFE agentziaren arabera. Iaz, 520 palestinar hil zituzten.
Israelen aldean, berriz, 21 pertsona hil dira: 11 uniformedun eta 10 zibil (5 kolono tartean).
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.