Libano hegoaldeko borroketan zortzi soldadu hil direla baieztatu du Israelek
Libano hegoaldea gerra-eremu bihurtuta dago. Hezbollah milizia xiitaren eta Israelgo Armadaren arteko borrokek ez dute etenik. Hezbollahren esanetan, Libano hegoaldean sartu diren tropa israeldarrei kontraerasoa egiten ari zaie, eta tanke eta helikopteroen aurka jaurtigaiak botata israeldarren lerroetan bajak sortu dituela jakinarazi du.
Bestalde, Israelek asteartean egindako erasoaldian parte hartu zuten zortzi soldaduren heriotza baieztatu du. Libanoko lurraldean 2006ko gerraz geroztik hildako lehenak dira.
Benjamin Netanyahu Israelgo lehen ministroak esan du "Irango gaizkiaren ardatzaren aurkako gerran" dagoela murgilduta herrialde osoa. Soldaduen heriotzagatik doluminak eman ostean, ebakuatutako guztiak "euren etxeetara itzultzea" lortuko dutela esan du.
Israelgo Armadako Estatu Nagusiko buruak, Herzi Halevi teniente jeneralak, berriz, ziurtatu du Israelek erantzun egingo diola Iranek 180 misil Israelera jaurtita egin zuen erasoari eta bere Armadak "Ekialde Hurbileko edozein puntura heldu eta kolpatzeko gaitasuna" duela argi utzi nahi izan du.
Nazioarteko erantzuna
G7ko herrialdeetako ordezkariek premiazko bilera egin dute, Ekialde Hurbileko egoera aztertzeko. "Azken orduetako gatazkaren indartzeagatik kezka handia" agertu dute, eta ohartarazi dute "eskualdeko gatazka bat ez zaiola inori interesatzen".
Hori dela eta, "irtenbide diplomatiko" baterantz joatearen alde egin dute, "oraindik posible" dela uste baitute.
Egoera horren erdian, Europako herrialdeek herritarren ebakuazio planak jarri dituzte abian. Espainiak hiru hegazkin militar bidaliko ditu ostegunean Beirutera, herrialdean bizi diren 380 espainiar ebakuatzeko. Beste nazionalitate batzuetako herritarrak ateratzen ere lagun lezaketela esan du Gobernuak.
Era berean, Alemaniak eta Erresuma Batuak bidali dituzte euren herritarrak Libanotik ateratzeko lehen hegazkinak.
Zure interesekoa izan daiteke
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".
AEBk are gehiago leundu ditu Venezuelan aritzen diren petrolio-konpainiei ezarritako murrizketak
Petrolio-ekoizpena nabarmen areagotzeko aukera izango dute Repsol, Eni, Chevron, BP eta Shell enpresek baimen berriei esker. Josu Jon Imaz Repsoleko kontseilari delegatuak aurreratu zuen bere enpresa prest dagoela "Venezuelan gehiago inbertitzeko".
EB kide humanitarioekin harremanetan jarri da Kubako "egoera dramatikoa" ikusita
Venezuelak herrialde horren energia-euskarri nagusia izateari utzi ondoren, erregai-horniduraren gabeziak eragindako krisi larria pairatzen ari dira Kuban, Nicolas Maduro presidentea atxilotu ondoren, Washingtonen eta Caracasen arteko harreman berriaren ondorioz.
Erresuma Batuko Justiziak legez kanpokotzat jo du Palestine Action taldea debekatu izana
Londresko Auzitegi Goreneko hiru epaileek adierazi dutenez, 2020an sortutako taldeak protestak egiteko "delituzko metodoak" erabiltzen baditu ere, bere taktikek ez dute legean ezarritako baremoa betetzen terrorista gisa sailkatu ahal izateko. Betoa indarrean sartu zenetik, 2.700 pertsona baino gehiago atxilotu dituzte Palestine Actioni babesa emateagatik. Horietako asko adinekoak dira, eta babesa adierazteko pankarta bat eramate hutsagatik atxilotu dituzte.
Nils eta Oriana ekaitzek kalte handiak eragin dituzte Europa hegoaldean
Azken orduetan Nils eta Oriana ekaitzek uholdeak, 150 km/h-tik gorako haize-boladak eta milaka pertsona argindarrik gabe utzi dituzte Europa hegoaldean. 2026. urtea hasi denetik inpaktu handiko bederatzi ekaitz iritsi dira Europara.
Trumpek bertan behera utzi du berotegi-efektuko gasen emisioa mugatzen zuen Obamaren irizpena
AEBko presidenteak adierazi duenez, "ibilgailu berri baten batez besteko prezioa ia 3.000 dolar murriztuko du".