Bayrouk eskuineko eta macronismoko politikariak dituen Gobernua izendatu du, tartean Manuel Valls
François Bayrou Frantziako lehen ministroak gaur jakinarazi du bere Gobernuaren osaketa, Michel Barnier bere aurrekoaren aldean lantalde kontinuista bat, eskuineko eta macronismoko politikariekin, eta Manuel Valls sozialista ohiarekin Itsasoz Haraindiko Ministerioan.
Alexis Kohler Presidentetzako idazkari nagusiak iragarri du ministroen zerrenda, Eliseo jauregian, eta Valls kinieletan azken orduan baino agertu ez den arren, azken egunetan entzun diren izenak baieztatu ditu.
Hori da Elisabeth Borne lehen ministro macronista ohiaren kasua. Haren ibilbidea 2023ko pentsioen erreformaren onarpen polemikoak markatu zuen batez ere, eta Bayrourekin itzuli da Gobernura, Hezkuntza ministro eta Exekutiboko bigarrena izateko.
Gerarld Darmanin Barne Ministerioko ministro ohia ere Gobernura itzuli da, makronismoaren korronte kontserbadoreenaren politikaria, Justizia Ministerioaz arduratzeko.
Ekonomia Ministerioa Eric Lombard enpresaburuaren eta orain arte Caisse des Depots erakundearen zuzendari nagusiaren esku egongo da. Caisse des Depots finantza erakunde publikoa da, eta interes orokorreko jarduerak egiten ditu Estatuarentzat eta Frantziako beste tokiko erakunde batzuentzat.
Valls, François Hollanderen lehen ministro izandakoa eta ondoren Emmanuel Macroni babesa eman ziona, Frantziako politikaren lehen lerrora itzuli da, Itsasoz Haraindiko Ministerioa hartuta, Indiako Ozeanoan zikloi batek berriki suntsitutako Mayotte departamentua berreraikitzeko erantzukizunarekin. Bartzelonako Udaleko zinegotzi ere izan zena Kaledonia Berria bezalako lurraldeekiko harremanaren buru izango da.
Nahiz eta egungo alderdi sozialistatik oso urrun egon, bere hautesleei egindako keinutzat jotzen da, baita François Rebsamen ere, Hollanderen ministro ohia eta egungo zuzendaritza sozialistatik urrun dagoena, Lurralde Politikaren eta Deszentralizazioaren ministro berri izendatzea.
Bayrouk bere karguan mantendu du Bruno Retailleau aurreko Gobernuko Barne ministroa, Errepublikarren (kontserbadoreak) figura nabarmena eta ultraeskuinaren gertukoa immigrazioa bezalako gaietan.
Rachida Dati Kultura ministroa, Jean-Noel Barrot Atzerri ministroa, Sebastien Lecornu Defentsa ministroa, Agnes Pannier-Runacher Trantsizio Ekologikoko ministroa, Catherine Vautrin Lan ministroa eta Annie Genevard Nekazaritza ministroak ere bere karguan jarraituko dute.
Eskuz aldatzen diren Ministerioen artean Kiroletakoa dago, Marie Barsacq buru izango duena. Azkenik, Funtzio Publikoaren ardura hartuko du Laurent Marcangeli eskuindar korsikarrak.
Erabaki horiekin, Bayrouren Gobernuaren egonkortasuna a priori Barnierrena bezain ezbaian dago, nahiz eta bere lehen su-proba gainditzea lortu, urtarrilaren 14an bere politika orokorreko hitzaldia izango dena.
Zure interesekoa izan daiteke
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.