Berlinen larri zauritu zuten turista bilbotarra etxean da jada, alta jaso eta gero
Otsailaren 21ean Berlinen larri zauritu zuten 30 urteko turista bilbotarra etxean da jada, Alemanian alta jaso eta gero, EITBk jakin duenez.
Gaztea "gero eta hobeto" dago, haren familiaren esanetan, "eta ziur gaude hemendik aurrera askoz hobeto egongo dela".
Senideek eskertu egin dute Espainiak Alemanian duen Enbaxadak eta Barne Ministerioak emandako laguntza.
Bestalde, haren ustezko erasotzailea, errefuxiatu siriar bat, behin-behinean kartzelatzeko agindu du gaur Karlsruheko (Alemania hegoaldea) Justizia Auzitegi Federaleko instrukzio-epaileak.
Fiskal federal nagusiak egindako atxiloketa eskaera berri bati erantzunez eman du agindua; izan ere, kasuak eragin duen oihartzuna dela eta, bere gain hartu du hori ikertzeko ardura.
Bild egunkariak zabaldu duenez, errefuxiatu siriarrak Holokaustoko biktimen monumentua aukeratu zuen erasorako juduen aurka egin nahi zuelako, eta turista bilbotarra beltzarana denez, israeldartzat hartu zuen erasotzaileak.
Ustezko erasotzailea Alemanian erradikalizatu zen, eta Estatu Islamikoa (EI) talde jihadista begi onez ikusten duen zantzuak antzeman ditu Estatuko Fiskaltzak. Horren hitzetan, motibazio "islamista erradikal eta antisemita" batek eraman zuen otsailaren 21ean biktimari eraso egitera. Agintarien arabera, aurretik ez du jokabide islamistarik erakutsi.
Wassim al M. izenarekin identifikatu dute erasotzailea, Leipzigeko bizilaguna da eta lesio-delituengatik hiru prozedura penal zituen irekita. Erasoa egin eta ordu batzuetara, gertakarien lekura itzuli zen bere kabuz eta ekimenez, eta Poliziaren arreta erakarri zuen, arropetan odol arrastoak zituelako.
Zure interesekoa izan daiteke
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.