Jair Bolsonaro ultraeskuindarra eta haren zazpi aliatu inputatu dituzte, estatu-kolpe saiakera egotzita
Brasilgo Auzitegi Gorenak aho batez erabaki du gaur Jair Bolsonaro presidente ohi ultraeskuindarra eta haren zazpi aliatu inputatzea, Fiskaltzak salatutako matxinada eta estatu-kolpe saiakera delituengatik, Brasilian 2023ko urtarrilaren 8an egindako erasoen atzean egotea leporatuta.
"Salaketaren oinarri diren arrazoizko frogak daude", azaldu du Alexandre de Moraes Auzitegi Goreneko kontalariak, eta Brasilgo presidente ohiak kolpea "zirriborroa ezagutu, maneiatu eta eztabaidatu" zuela erantsi du Moraesek.
Anderson Torres Justizia ministro ohia, Walter Braga Netto eta Paulo Nogueira Defentsako ministro ohiak, Augusto Heleno Ribeiro Segurtasun Kabineteko buru ohia, Alexandre Ramagen Inteligentzia zuzendari ohia, Almir Garnier Santos Itsas Armadako komandante ohia eta Mauro Cid koronela, Bolsonaroren aliatu eta laguntzaile estuenetako bat, dira zazpi inputatuak.
Horiek guztiak 34 akusatuen zerrendan dira, nahiz eta Fiskaltzaren ikerketak 2023ko urtarrilaren 8ko erasoen "funtsezko nukleotzat" jo.
De Moraesez gain, beste lau epailek ere inputazioaren alde bozkatu dute, Flavio Dino, Luiz Fux, Cristiano Zanin eta Carmen Lucia Antunes, hain zuzen ere. Erabakia justifikatzeko unean, urtarrilaren 8a baino lehen atzera egitea beharrezkoa dela esan du epaileak, "demokrazia desegiten saiatu zen makina horretara iristeko".
Brasilgo presidente ohiak 40 urte arteko kartzela-zigorra jaso dezake delitu horiengatik. Bolsonaro ez da egon bozketan, eta nahiago izan du bideokonferentziaz jarraitu, parlamentari gisa Flavio Bolsonaro semeak Senatuan duen bulegotik, beste lagun batzuekin batera.
Ondoren, hedabideen aurrean agertu da inputatu ostean, bere kontrako akusazioak "funtsik gabekoak" direla salatzeko, eta bere burua Maria Corina Machado Venezuelako oposizioko buruzagiarekin alderatu du.
Bozketa egiten ari zenean, Bolsonarok sare sozialetara jo du epaileei kasu hori guztia azkartasunez aurrera eramaten ari zirela aurpegiratzeko, eta gaineratu "antzerki prozesal" honek 2026ko hauteskundeetara aurkeztea eragotzi nahi diola, Hauteskunde Justiziak inhabilitatu zuen arren.
Luiz Inacio Lula da Silva presidentearen Brasilgo Langileen Alderdiak (PT) Gorenaren erabakia txalotu du. "Une historikoa da, Konstituzioaren barruan, zuzenbidezko estatu demokratikoaren aurka egiteagatik erantzuleak auzipetzeko eta epaitzeko unea", azaldu du ohar batean Humberto Costa PTko buruak.
Estatu kolpe bat ez ezik, Luiz Inacio Lula da Silva presidentearen, Geraldo Alckmin presidenteordearen eta Alexandre de Moraes Goreneko magistratuaren hilketak ere gauzatzeko egitasmo baten frogak aurkeztu ditu Fiskaltzak.
Hori guztia, Brasilgo presidente ohiaren ehunka jarraitzailez osatutako turba batekin amaitu zen, Kongresuaren eta Auzitegi Gorenaren egoitzei eraso eginez.
Zure interesekoa izan daiteke
UEFAk "ulertezin eta justifikaezin" jo du Balogun indultatzea
Aurrelari estatubatuarrari txartel gorria kentzeak erakundeen kritikak eragiten jarraitzen du Belgikaren aurkako partidaren atarian.
Zer dio 27. artikuluak Balogunek Belgikaren aurka jokatu ahal izateko?
FIFAri "diziplina neurri baten aplikazioa erabat edo partzialki eteteko" gaitasuna ematen dio. Aurrekari bat dago 1962ko Munduko Txapelketan Garrincha brasildarrarekin.
Tourrak bere hirugarren etapa moztuko du gaur eta Les Anglesen amaituko da suteengatik, ikuslerik gabe
Frantziako lasterketaren antolatzaileek hirugarren etaparen azken zatia aldatzea erabaki dute, Granollers eta Les Angles lotzen dituena, Frantzia hegoaldeko baso-suteengatik.
Ebola agerraldiak 500 hildako baino gehiago eragin ditu Kongoko Errepublika Demokratikoan
Tokiko agintarien arabera, 1.561 ebola kasu baieztatu dituzte eta horietatik 253k gaixotasuna gainditu dute.
FIFAk txartel gorria kendu dio AEBko jokalari bati Trumpek Infantinori ustez egindako dei baten ostean
Folarin Balogun Ipar Amerikako selekzioko izarrari kendu dio txartela, final-hamaseirenetako partidan kanporatua izan ostean, eta final-zortzirenetan Belgikaren aurka jokatzeko aukera izango du.
Gutxienez 11 pertsona hil eta 46 zauritu dira Kieven, Errusiaren bonbardaketetan
Volodímir Zelenski Ukrainako presidenteak horrelako eraso bat gertatuko zela ohartarazi ondoren etorri dira erasoak.
Milioika lagunek eman diote azken agurra Ali Khameneiri
Mendekua eta Donald Trump Ameriketako Estatu Batuetako Presindetearen heriotza eskatuz, ehunka milaka dira gaur ere Ali Khameneiri azken agurra ematen ari direnak Teheranen. Haren hiru seme ikusi ahal izen dira hilkutxaren aldamenean otoiz egiten, baina ez haren ondorengo izendatu zuten Motjaba Khamenei.
Trumpek AEBren handitasuna goraipatu du independentziaren 250. urteurrenean: "Inor ezin da gu bezalakoa izan"
Agintariak aukera aprobetxatu du herrialdeko "komunisten" aurka egiteko eta bere hauteskunde erreforma polemikoa sustatzeko.
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.