Israelek Gazako iparraldetik alde egiteko agindu die berriro palestinarrei
Israelgo Armadak Gaza iparraldeko eta inguruko hainbat herritako biztanleei eskualdea uzteko agindu die berriro gaur, eremu horietan "indar handiz" eraso egingo dutela gaineratu aurretik, "borrokarako eremu arriskutsutzat" jo baitituzte.
Israelgo Armadaren bozeramaile batek adierazi duenez, aginduak Beit Lahiako 14 auzori, Jabaliari eta Zerrendako zati horretako hainbat herriri eragiten die. Handik gutxira, bozeramaile berak bigarren "ebakuazio" agindu bat eman du Deir al Balah hirian bizi direnentzat, Palestinako erdialdean.
Armada sionistak igandean iragarri zuen Gazako iparraldean eta hegoaldean eraso "zabal" bat abiatuko zela, larunbatean martxan jarritako 'Gedeonen Gurdiak' operazioaren barruan.
Israelek Zerrendaren aurka egindako erasoetan gutxienez 30 pertsona hil ditu azken orduetan, gehienak hiriburuan, Gaza Hirian, eta Deir al Balah herrian, lurraldearen erdialdean, baieztatu dute bertako iturri medikoek.
Gainera, Al-Awda ospitaleak (Jabalia, Zerrendako iparraldea) salatu duenez, Israelek "nahita" bonbardatu du osasun zentroko sendagaien biltegia, eta sutea eragin du.
Gazako Zerrendako agintariek jakinarazi dutenez, dagoeneko 53.700 palestinar baino gehiago hil ditu Israelek erasoaldi honetan; guztira, 3.600 baino gehiago Tel Aviveko erregimenak martxoaren 18an su-etena hautsi zuenetik.
Gosetea
Gainera, azken bi egunetan gutxienez 29 haur eta adineko hil dira gosez Zerrendan. Azken orduetan laguntza kopuru oso txikia sartzen hasi da; izan ere, hamaika astez Israelek ezarritako blokeoak edozein laguntza humanitario Gazara sartzea eragotzi du.
Bestalde, Maged Abu Ramadan Palestinako Osasun ministroak jakitera eman duenez, gatazkak erabat identifikatuta ez dauden 10.000 eta 20.000 hildako artean eragin ditu, eta horiek ez dira hildakoen kopuruaren berri emateko zerrenda ofizialetan, ez baitago horiei buruzko funtsezko datu nahikorik (nortasun agiria eta heriotza-data, besteak beste).
Abu Ramadanek gogorarazi du erabat identifikatutako 53.700 hildako daudela, eta errepikatu du identifikatu gabeko 20.000 hildako eta "milaka desagertu" gehitu behar zaizkiola, "ez baitakigu hondakinen azpian dauden edo Israelek atxilotu dituen".
Kolono israeldarrek Maghayer al Dir herriko beduinoak etxetik bota dituzte, Zisjordanian
Bestalde, Israelek legez kanpo okupatutako Zisjordania hegoaldeko Maghayer al Dir herri beduinoa osatzen duten 25 familia palestinarrak kanporatu dituzte gaur, kolono israeldarren eraso etengabeen ostean, Gobernu palestinarraren erakunde batek salatu duenez.
Guztira, 124 pertsona bota dituzte etxetik, igandean kolonoek komunitate horretan legez kanpoko asentamendu bat sortzeko azpiegiturak eraman ondoren.
Batzordearen arabera, urtea hasi zenetik kolonoek 1.200 bat eraso egin dituzte, eta horietatik % 38 Zisjordaniako ekialdeko magaletako edo Jordan haraneko komunitate beduinoen kontra izan dira.
Joan den maiatzaren 9an, kolonoek ur-kanalizazioak moztu zituzten Ras Ein al-Aujako artzainen komunitatean, Jordan bailaran, OCHAren arabera sei etxeri ura kentzeko helburuarekin, eta bertako biztanleek salatu dute horrelako erasoak egunero gertatzen direla.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.