Arabiar Emirerri Batuek bi buruzagien arteko bilera hartzea proposatu dio Putinek Trumpi
Bestalde, Errusiako presidentea prest agertu da Zelenskirekin batzartzeko. "Askotan esan dut ez dudala ezer kontra", adierazi du Putinek, baina gaineratu du "baldintza batzuk" sortu behar direla bilera hori egiteko, eta, bere ustez, hori betetzetik "urrun" daude.
Vladimir Putin Errusiako presidentea eta Mohamed bin Zayed Al Nahyan Arabiar Emirerri Batuetako estatuburua, Moskun. Argazkia: EFE
Vladimir Putin Errusiako presidenteak iradoki du Arabiar Emirerri Batuak "leku egokia" izan daitekeela Donald Trump AEBko presidentearekin bilera egiteko, gaur Mohamed bin Zayed Al Nahyan hango estatuburuarekin bildu ostean.
"Lagun asko ditugu horrelako hitzordu bat antolatzen laguntzeko prest. Horietako bat Arabiar Emirerri Batuetako presidentea da. Hori litzateke tokirik egokienetako bat", azpimarratu du Errusiako buruzagiak Interfax albiste-agentziari egindako adierazpenetan.
Bestalde, Putin prest agertu da Volodimir Zelenski Ukrainako presidentearekin batzartzeko. "Askotan esan dut ez dudala ezer kontra", adierazi du, baina gaineratu du "baldintza batzuk sortu" behar direla bilera egiteko, eta, bere ustez, hori betetzetik "urrun" daude.
Yuri Ushakov Errusiako presidentearen aholkulariak lehenago jakinarazi duenez, Trumpen eta Putinen arteko aldebiko goi-bilera bat izango da "datozen egunetan", lekuari buruzko xehetasunik eman gabe, eta oraingoz estatubatuarrek ez dute batzarra baieztatu.
Aldebiko goi-bilerak kanpoan utziko luke Zelenski, eta Ukrainako presidenteak behin baino gehiagotan eskatu du Putinekin aurrez aurreko negoziazioak izatea gatazkari amaiera emateko.
Zelenskik gaur azpimarratu duenez, Kieventzat lehentasun nagusietako bat borrokaldiak amaitzea eta Moskuk su-etena onartzea da.
Drone erasoak
Bitartean, gerra frontean, Errusiak 112 drone jaurti ditu bart Ukrainara, Ukrainako Armadak gaur jakitera eman duenez.
Ukrainako defentsek 89 drone bota dituzte Ukrainako iparraldeko, ekialdeko eta erdialdeko hainbat eskualdetan.
Era berean, Errusiako aireko defentsek 82 drone ukrainar bota dituzte bart Errusiako hegoaldean eta erdialdean. Gaur goizean, Moskuren indarrek beste 43 drone etsai bota dituzte herrialdeko hiru eskualdetan eta Krimeako penintsulan, Defentsa Ministerioak Telegrameko kanalean jakitera eman duenez.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.