Gutxienez 34 pertsona hil dira Israelek Gazan egindako bonbardaketa berrien ondorioz
Hamasek bahitu guztiak askatzeko prest dagoela iragarri ostean egin dituzte erasoak. Israelek Gazan egiten ari den erasoaldia amaitzeko Trumpen plana negoziatu nahi du Hamasek.
Hildako bat Gazan. Artxiboko argazkia: Europa Press
Gutxienez 34 pertsona hil dira Gaza Hirian Israelek larunbat honetan egindako bonbardaketa berrien ondorioz. Donald Trump AEBko presidenteak iragarritako eta Hamas mugimendu islamista palestinarrak negoziatzeke duen bake-plana abian jarri zain.
Al Shifa Ospitaleak baieztatu duenez, lau pertsona hil dira Al Tuffah auzoan, bonbardaketa baten ondorioz. Gainera, beste bost pertsona hil dira Israelgo jaurtigai batek Gazako mendebaldeko etxe baten kontra talka egin ostean.
Halaber, Israelen done batek Al Mawasiko (Palestinako erdialdeko kostaldea) kanpin-denda baten aurka egindako eraso batean bi haur hil direla ere jakin da bart, Sanad agentzia palestinarraren iturrien arabera.
Agentzia berak jakinarazi duenez, Israelgo indarrek eraso gehiago egin dituzte azken orduetan Yarmuk, Al Nafaq eta Ramzon Al Ghafri auzoetan, baita Gaza Hirian ere, familia palestinarrak gune horietara itzultzearekin batera.
Hamasek bahitu guztiak askatzeko prest dagoela iragarri ostean egin dituzte erasoak. Israelek Gazan egiten ari den erasoaldia amaitzeko Trumpen plana onartuko luke Hamasek, baina "bitartekarien bitartez berehalako negoziazioak" abiatzea eskatu du, horren inguruko "xehetasunak" eztabaidatzeko.
Hamasen oharraren ostean, AEBko presidenteak Gazako Zerrendako erasoak gelditzeko eskatu dio Israeli, eta Eyal Zamir Israelgo Estatu Nagusiko buruak, berriz, "bahituak askatzeko Trumpek proposatutako planaren lehen fasea ezartzeko prestaketan aurrera egitea" agindu du, xehetasun gehiagorik eman gabe.
Giza eskubideen NBEko kontalariek, nazioarteko erakundeekin eta gero eta herrialde gehiagorekin batera, genozidiotzat jo dute Israelek Gazaren aurka egindako erasoaldi militarra, Hamasek 2023ko urriaren 7an egindako erasoen ostean 67.000 hildako baino gehiago utzi dituena, tartean 20.000 haur baino gehiago.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.