AEBrekin adostutako zirriborroaren berri emango diote gaur Ukrainako negoziatzaileek Zelenskiri
Ukrainako presidentea Londresen izango da astelehen honetan, Keir Starmer Erresuma Batuko lehen ministroarekin biltzeko, eta ondoren Bruselara joateko asmoa du, Europako aliatu nagusiekin batzartzeko. Ukrainarren eta errusiarren arteko desadostasun puntu nagusietako bat da Kievek Donbasen kontrolpean duen lurraldea Kremlini ematea.
Joan den astean Steve Witkoff eta Jared Kushner Etxe Zuriko mandatariekin Miamin bildu ziren bi negoziatzaile ukrainarrek "xehetasunez" aurkeztuko diote astelehen honetan Volodimir Zelenski Ukrainako presidenteari azken bilera-sorta horretan estatubatuarrekin adostutako zirriborroa.
Rustem Umerov Segurtasun Nazionalerako Kontseiluko buruak iragarpena egin baino ordu batzuk lehenago, Donald Trump AEBko presidenteak kazetariei esan zien Kieveko eta Errusiako ordezkariak ados zeudela bake planaren azken zirriborroarekin, baina "apur bat atsekabetuta" agertu zen Zelenskik "oraindik proposamena irakurri ez duelako".
Ukrainako mezulariek estatubatuarrekin izandako azken bilera-sorten ondoren, Ukrainako presidenteak adierazi du planaren xehetasun batzuk aurrez aurre baino ezin direla tratatu, eta ez telefonoz.
Zelenski Londresen izango da astelehen honetan, Keir Starmer Erresuma Batuko lehen ministroarekin biltzeko, eta ondoren Bruselara bidaiatzeko asmoa du, Europako aliatu nagusiekin ere batzartzeko.
Umerovek eta beste negoziatzaile ukrainarrak, Andre Gnatov Estatu Nagusiko buruak Londresera ere bidaiatuko dute Zelenskirekin topo egiteko.
Zelenskik telefonoz hitz egin zuen Witkoffekin eta Kushnerrekin bere mandatariekin izandako bileren amaieran. Ukrainako presidentearen hitzetan, Trumpen mandatariekin izandako elkarrizketa "eraikitzailea da, baina ez erraza".
Ukrainarren eta errusiarren arteko desadostasun puntu nagusietako bat Kremlinen eskakizuna da, Kievek Donbasen oraindik kontrolatzen duen lurraldea eman diezaion. Moskuk eskatzen du, halaber, Ukrainak uko egin diezaiola NATOn sartzeari eta Aliantzako kideek tropak hedatu ditzatela beren lurraldean gerra ostean, Errusiak berriro erasorik egin ez dezan.
Zure interesekoa izan daiteke
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.
Kevin Warshek jaso du Trumpen babesa Erreserba Federalean (Fed) Jerome Powell ordezkatzeko
AEBko Senatuak izendapena berretsi behar du orain, Etxe Zuriak AEBko Banku Zentralari egindako presioen testuinguruan. Erakunde horren independentzia, ordea, funtsezkoa da inflazioa kontrolatzeko eta enplegua bultzatzeko.
Zelenskik uko egin dio Donbas uzteari eta Estatu Batuen segurtasun bermeak eskatu ditu bake akordioa sinatu aurretik
Ukrainako presidenteak esan du ez dela kontzesiorik egongo eta Washingtonekin egindako ituna giltzarria dela Errusiaren inbasio berri bat saihesteko.
Trumpek "asaldatzaile" eta "matxino" deitu dio ICEko agenteek Minneapolisen hildako Alex Prettiri
37 urteko erizaina hil baino 11 egun lehenago agenteei aurre egiten eta auto federal bati ostikoka erakusten duen bideo bat argitaratu ostean egin ditu adierazpenok AEBko presidenteak.
AEBk muga zergak ezartzearekin mehatxu egin die Kubari petrolioa saltzen dien herrialdeei
Kubako Gobernuak gogor gaitzetsi du Ameriketako Estatu Batuek ezarri nahi dien petrolio blokeoa, herrialdearen aurkako "eraso ekintza bortitza" dela iritzita.
Venezuelako aire-espazioa hegaldi komertzialei zabaltzeko agindu du Trumpek
Eguna amaitu aurretik beharrezko izapideak egiteko agindua eman du AEBko presidenteak. Bi herrialdeen arteko zuzeneko hegaldiak etenda daude 2019tik.
Iranen aurkako zigor gehiago adostu ditu EBk, errepresioa leporatuta
Drone eta misiletarako materialak eskuratzea zailtzea dute helburu, eta, aldi berean, aho batez erabaki dute Guardia Iraultzaile Islamikoa erakunde terrorista izendatzea. Gainera, errusiarren aurkako zigor berriak onartu dituzte, Ukrainako gerrarekin lotuta.
Alex Pretti ICEko agenteei aurre egiten, tiroz hil baino 11 egun lehenago, irudiotan
Estatu Batuetako albiste-atari batek argitaratutako irudietan ageri denez, Alex Pretti, urtarrilaren 24an Minneapolisen ICEko agenteek hildako 37 urteko erizaina, urtarrilaren 13an ere gogor jo zuen migrazio-poliziak, beste protesta batean.