2027an AEBren gastu militarra 1.500 milioi dolarrera igotzea proposatu du Trumpek
Bestalde, Trump eta Gustavo Petro Kolonbiako presidenteak bart telefonoz hitz egin dute bi herrialdeen arteko tentsio diplomatikoak onbideratzeko. Bi agintariek Etxe Zurian bilera bat egitea adostu dute, oraindik zehaztu gabeko egun batean.
Gustavo Petro eta Donald Trump, argazki-muntaia. Artxiboko argazkia: EFE
Donald Trump Ameriketako Estatu Batuetako presidenteak gastu militarra 2027an % 50 areagotzea proposatu du, 1.500 milioi dolarreraino (1.300 milioi euroraino, alegia).
Trumpek Truth Social plataforman azaldu duenez, Ordezkarien Ganberako eta Senatuko ordezkariekin izandako negoziazio "zail eta luzeen ondoren" hartu du erabakia, egungo testuinguruak bultzatuta.
Aurrekontu militarra handitzeak "amestutako armada eraikitzeko aukera" emango duela azpimarratu du Trumpek. Ez hori bakarrik, presidente estatubatuarraren arabera, herrialdea seguru eta babestuta edukitzea ahalbidetuko du, "etsaia edozein dela ere".
Muga-zergei esker, gastu militarra 1.500 milioi dolarreraino igotzea posible izango dela azpimarratu du Trumpek.
Trumpek eta Petrok bilera egingo dute Etxe Zurian
Gustavo Petro Kolonbiako presidenteak eta Donald Trump presidente estatubatuarrak telefonoz hitz egin dute, bi herrialdeen arteko tentsio diplomatikoa onbideratzeko. Are gehiago, Etxe Zurian bilera bat egitea adostu dute, oraindik zehaztu gabeko egun batean.
Kolonbiako eta AEBko Gobernuek azpimarratu dutenez, bi agintariek giro onean hitz egin dute ordubete inguru iraun duen bileran.
Trumpek Venezuelan Nicolas Maduro boteretik kentzeko egindako esku-hartze militarraren ostean, Kolonbian antzeko zerbait egitearekin mehatxu egin zuen. Horri erantzunez, "aberriaren alde" berriro armak hartzekotan dela nabarmendu zuen.
Bestalde, Trumpek iragarri du Petrorekin bilduko dela Etxe Zurian eta "ohore handia" izan zela Petro presidentearekin hitz egitea, narkotrafikoarekin eta bi administrazioek dituzten desadostasunen inguruan aritzeko.
Zure interesekoa izan daiteke
Libanoko presidenteak "funtsezkotzat" jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak talde islamistaren koheteen jaurtiketagatik justifikatu ditu eraso armatuak.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.
Trumpek ez du su-etena luzatzeko asmorik, ABC katearen arabera
Donald Trump AEBko presidenteak Giorgia Meloni Italiako lehen ministroaren aurka egin du astearte honetan, Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Txina, hazkunde etengabean: Munduko fabrika izatetik, lider teknologikoetako bat izatera
Txina Irango eta Persiako golkoko beste herrialde batzuetako petrolio eta gas inportatzaile handia da. Hala ere, herrialdearen erreserbak maximo historikoetan daude, eta auto elektrikoen eta energia berriztagarrien aldeko apustuari esker, gerrak ez dio askorik eragin, momentuz. Horrela, Iran bazkide estrategikoa duen arren, Txina erantzun diplomatikoaren alde dago, epe luzerako estrategia baitarabil.
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.