18 preso askatu dituzte jada Venezuelan
Jada 18 dira azken egunotan Venezuelan askatu dituzten presoak. Tartean dira Jose Maria Basoa Valdovinos eta Andres Martinez Adasme bilbotarrak.
Denbora daramate Venezuelako oposizioak eta giza eskubideen aldeko taldeek preso politikoen askatzea eskatzen eta eskaera horiek areagotu egin dira Donald Trumpek Maduro atxilotu eta AEBetara eraman ondotik.
Foro Penal taldeak uste du 811 preso politiko daudela herrialdean. Horien artean 80 atzerritar leudeke, bi Estatu Batuetakoak.
Ostegunean, Jorge Rodriguez Venezuelako Parlamentuko presidente eta chavismoaren negoziatzaileen buruak iragarri zuen preso "kopuru nabarmen bat" askatuko dutela, herrialdean "bakea eta bizikidetza baketsua sendotzeko" keinu gisa. Preso horiek bertakoak zein atzerritarrak izango zirela ere iragarri zuen baina gaur arte ez da kopuru zehatza jakin.
Urtarrilaren 2an Foro Penalak jakinarazi zuen "44 preso politiko askatu zituztela" (42 gizon eta 2 emakume), eta abenduaren 29an beste 61 askatzeren berri ere eman zuen.
Zure interesekoa izan daiteke
Gazteei eta segurtasunari buruzko doktrina gogortu du Italiak, herrialdeko istiluak geldiarazteko
Frantziako Gobernuak segurtasun akatsak onartu eta polizia-dispositibo "masiboa" zabalduko du larunbatean
Parisen, Nizan, Lionen, Lillen eta beste hainbat hiritan gaueko etxeratze-aginduak ezarri ditu Frantziak
Louvre: gotorleku Erdi Aroan, zaurgarritasun-ikur iaz geroztik
Ikasleek Parisko Louvre Museorako sarbideak blokeatu dituzte
Bizitzaren garestitzearen aurkako protesta bortitzak izan dira Italian eta Albanian
Frantziako protesten ondorioak: pertsona bat hil da, ia 2.400 atxilotu dituzte eta txikizioa dago nonahi
Macronek ezker muturra egin du indarkeriaren erantzule, eta babesa helarazi die poliziari eta merkatariei
Istiluak berriro Parisen, protesten biharamunean
