Iranek gaur "eraso oso gogorra" jasoko duela esan du Trumpek
Irango Atzerri ministro Seyed Abbas Araghchik AEBko presidenteari erantzun dio "Irango indar armatuak erantzuteko prest" daudela, erasoaldia areagotzea badu helburu.
Donald Trump AEBko presidenteak adierazi duenez, Iranek "eraso oso gogorra" jasoko du gaur, larunbata, eta Israelekin batera egiten ari diren erasoak herrialdeko beste eremu batzuetara zabaltzea aztertzen ari da. Dena dela, ez du horren inguruko xehetasunik eman.
"Gaur Iranek oso eraso gogorra jasoko du. Iranen jokabide txarra dela eta, serio azterten ari gara eremu zabalagoak erabat suntsitzea eta orain arte helburutzat jo ez ditugun pertsonak hiltzea", esan du Trumpek sare sozialetan zabaldutako mezu batean.
Masud Pezeshkian Irango presidenteak ostiralean iragarri zuen bere herrialdeak inguruko herrialdeen aurkako erasoak etetea erabaki duela, horiek eraso egin ezean.
"Liderren Kontseiluak inguruko herrialdeen aurkako erasoak etetea erabaki du, Irani lurralde horietatik eraso egiten ez badiote", iragarri zuen ostiralean, Irango telebistak zabaldutako mezu batean.
"Iranek barkamena eskatu du, eta Ekialde Hurbileko bizilagunen aurrean amore eman du, eta ez diela gehiago erasoko agindu die", esan du Trumpek.
AEBko presidenteak "AEBren eta Israelen eraso zorrotzei" egotzi die ustezko errendizio hori; izan ere, larunbatean hasi zuten Irango Islamiar Errepublikaren aurkako erasoaldia, eta, besteak beste, Ali Khamenei hil zuten, 1989tik agintean zegoen aiatola.
Trumpen hitzetan, "Iran Ekialde Hurbileko galtzailea da", eta "gaur eraso oso gogorra jasoko du".
"Iranen jokabide txarra dela eta, oso serio aztertzen ari gara eremu zabalagoak erabat suntsitzea eta orain arte helburutzat jo ez ditugun pertsonak hiltzea", ohartarazi du.
Errepublikanoak amore emate gisa interpretatu du Iranek inguruko herrialdeei barkamena eskatu izana: "Iranek barkamena eskatu du, eta Ekialde Hurbileko bizilagunen aurrean amore eman du, eta ez diela gehiago eraso egingo agindu die. Promesa hori estatubatuarren eta israeldarren eraso zorrotzen ondorioz lortu da bakarrik. Ekialde Hurbila kontrolatu eta gobernatu nahi zuten. Milaka urtean lehen aldiz atera da galtzaile Iran Ekialde Hurbilean bizilagun dituen herrialdeen aurrean. Herrialde horiek esan dute: 'Eskerrik asko, Trump presidentea'. Eta nik erantzun: 'Ez horregatik'. IRAN JADA EZ DA EKIALDE HURBILEKO HARROPUTZA, GALTZAILEA baizik, eta hala izaten jarraituko du hainbat hamarkadatan, amore eman arte edo, ziurrago, erabat gainezka egin arte".
Iranek AEBri ohartarazi dio erasoak areagotu ditzakeela
Irango Atzerri ministro Seyed Abbas Araghchik esan du Iran prest dagoela erasoaldiak baretzeko, baldin eta AEBk gertuko herrialdeak irandarrei eraso egiteko erabiltzen ez baditu.
Alabaina, X sare sozialean argitaratutako mezu batean, nabarmendu du AEBk erasoak areagotu nahi baditu, Irango indar armatuak erantzuteko prest daudela.
Zure interesekoa izan daiteke
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.