Lau pertsona atxilotu dituzte Girondan, suteak eragitea leporatuta
19 eta 21 urteko bi gizoni autobiara eta kirol-gune batera su artifizialak jaurti izana leporatzen diete, eta 33 urteko beste bati "zuhaixkei nahita su ematea". Baso-eremu batean barbakoa egiten harrapatu zuten laugarren gizon bat ere atxilotu dute.
Frantziako suhiltzaileak Bordeletik gertu. Argazkia: EFE
Lau gizon atxilotu dituzte larunbat honetan Gironda eskualdean, Frantziako Estatuko hego-mendebaldean, suteak eragitea leporatuta.
Asteazkenean hasi ziren suteek 40.000 hektarea erre dituzte jada eta 167.000 pertsona ebakuatu behar izan dituzte.
Franceinfo kate publikoak Bordeleko Fiskaltzaren datuak aipatuz, jakitera eman duenez, atxilotuetako bi ostalaritzan aritzen diren 19 eta 21 urteko bi gizonezko dira. Goizaldean atxilotu dituzte La-Teste-de-Buchen, Arcachongo badia turistikoaren hegoaldean, Girondako sua piztu zen lekuan.
Autobiarantz eta kirol-gune baterantz su artifizialak jaurti izana leporatzen diete.
Hirugarren atxilotua 33 urteko gizon bat da, eta Bordeleko kanpoaldean atxilotu dute, Lormonten, "zuhaixkei nahita su ematea" leporatuta.
Bordeleko Fiskaltzaren arabera, laugarren gizon bat epaituko dute ostiralean baso-eremu batean erretzen eta barbakoa egiten harrapatu ostean, suteen larrialdi betean. Agintariek argitu dutenez, oraingoz ez dute loturarik aurkitu gertakari horren eta Girondan piztutako sute handiaren artean, baina haren jokabideak segurtasun publikoa arriskuan jarri zuela uste dute.
Fiskaltzak, gainera, gogorarazi du sute-boladaren testuinguruan arriskuzko jokabideen aurrean erantzun judiziala gogortu egin dela.
Aurten 98.000 hektarea erre dira jada Frantzian, historiako kopuru handiena, eta Girondakoa da inoizko okerrena.
Erre diren hektarea kopuruaz gain, 200.000 lagun atera behar izan dituzte euren etxeetatik: 167.000 Girondan eta 37.000 Landetan.
Frantzia hego-mendebaldeko horiez gain, Var departamentuan, Alpe Garaietan, Korsika Garaian eta Ekialdeko Pirinioetako departamenduetan ere sute aktiboak daude une honetan.
Te puede interesar
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaritza lanik, eta hala, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.
54 urteko motorzale bat hil da Gasteizen izandako istripu batean
Istripua AP-1etik N-622ra doan zatian gertatu da, Arabako hiriburuan. Larrialdi-zerbitzuak biktima suspertzen saiatu dira, baina ez dute lortu.
Motozerra bat martxan zuela hainbat pertsonaren atzetik ibili den gizon bat atxilotu dute Getxon
Ustezko erasotzailea, polizia-aurrekariak dituena, arma zuri batekin zauritu dute atxilotu aurretik.
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.