Nazioarteko agintari nagusiek txalotu egin dute Macronen garaipena
Europar Batasuneko buruzagi nagusiek eta munduko beste hainbat estaburuk eta gobernuburuk txalotu egin dute Emmanuel Macron presidentearen garaipena Frantziako hauteskundeetan, eta Marine Le Pen ultraeskuindarra garaitu izana "garai zail hauetan" Europarentzat positiboa izango dela adierazi dute.
Hori horrela, Urusla Von der Leyen Europako Batzordeko presidenteak esan du Batasunak Frantziaren "konpromisoa" behar duela "indartsuagoa" izateko.
Christine Lagarde Europako Banku Zentraleko presidenteak ere beharrezkotzat jo du "lidergo indartsu" bat izatea, eta eskerrak eman dizkio Macroni zeregin horretan "nekaezina" izateagatik.
Pedro Sanchez Espainiako Gobernuko presidentearen esanetan, Macronen garaipenak erakusten du frantziarrek "Europa aske, indartsu eta justu batekin konpromisoa izatea" erabaki dutela.
Alemanian, Olaf Scholz kantzilerrak esan du boto-emaileek "konpromiso indartsua" erakutsi dutela Europarekiko.
Volodomir Zelenski Ukrainako presidenteak Macron zoriondu du, eta "Ukrainarentzat benetako laguna" dela esan du.
Vladimir Putin Errusiako presidenteak Emmanuel Macron Frantziako presidentea zoriondu du astelehen honetan, Kremlinak jakitera eman duenez. "Arrakasta opa dizut zure estatu lanean, baita osasuna eta ongizatea ere", adierazi du Putinek Errusiako Presidentetzak igorritako ohar labur baten arabera.
Boris Johnson lehen ministro britainiarrak Frantziaren eta Erresuma Batuaren arteko harreman estua azpimarratu du. "Zorionak Emmanuel Macroni Frantziako presidente berrautatua izateagatik", adierazi du Twitterren argitaratutako mezu batean.
Joe Biden Ameriketako Estatu Batuetako presidenteak ere Macron zoriondu du. Presidente estatubatuarraren esanetan, beren aliatu zaharrena den Frantzia bazkide funtsezkoa da erronka globalei aurre egiteko, eta aurrera begira espero du elkarlan estua izatea Ukrainari laguntza emateko eta klima aldaketaren kontra borroka egiteko.
Latinoamerikan ere askok ospatu dute "proiektu demokratikoaren garaipena", hala nola Ivan Duque kolonbiarrak eta Alberto Fernandez argentinarrak.
Horien guztien aurrean, Matteo Salvini italiar ultraeskuindarrak Marine Le Penek lortutako botoak txalotu ditu.
Zure interesekoa izan daiteke
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.
Etxebizitza turistikoaren jarduera eta gune tentsionatuetan bigarren etxebizitzak erostea mugatu nahi ditu Europak
Etxebizitza krisia dela eta, Europa osoan dagoen arazo larriari heldu nahi dio Bruselak, eta gaur lege berri bat aurkeztu du. Besteak beste, murriztu egin nahi du etxebizitza turistikoaren jarduera eta baita gune tentsionatuetan bigarren etxebizitzak erostea.
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.