Fronte Popularra eskuin muturra boterera ez iristeko alternatiba bakarra bezala aurkeztu da
Frantziako Fronte Popular berriak ezkerreko alderdiak biltzen ditu, aurreratutako hauteskunde legegileei begira, eta eskuin muturra boterera ez iristeko alternatiba bakartzat aurkeztu du bere burua; izan ere, eskuin muturra da inkestetan faboritoa, Europako hauteskundeetan garaipen handia lortu ondoren.
Manuel Bompard (Frantzia Intsumisoa), Olivier Faure (Alderdi Sozialista), Marie Tondelier (ekologistak) eta Fabien Roussel (Alderdi Komunista) buruzagiek prentsaurrekoa eskaini dute elkarrekin. "Oso harro gaude ezker osoarekin eta ekologistekin egoteaz", adierazi du Faurek, eta "funtsezkoa jokoan dagoenean, hor gaude, beti hor", erantsi du.
Hauteskundeak irabazten baditu, gutxieneko soldata hilean 1.600 eurora igoko duela eta Emmanuel Macron presidenteak kendu zuen aberats handien gaineko zerga berrezarriko duela agindu du Fronte Popular berriak. Neurri horiek "Macronen politikarekin erabateko haustura" dakarten 150 proposamenen zerrendan daude, Bomparden hitzetan.
Fronte Popular berri honen programaren ardatz nagusia erosteko ahalmenaren aldeko neurriak dira, besteak beste, gutxieneko soldata azkar igotzea (egun hilean 1.400 euro garbikoa da) eta soldatak inflazioarekin parekatzea, baita "elikagai eta energia prezioen blokeoa" ere.
Macronek 2017an kendu zuen aberatsen gaineko zerga, bere lehen agintaldiaren hasieran, inbertitzaileak erakartzeko eta atzerrian zerga gutxiago ordaintzeko dirudunek ihes egitea saihesteko.
Faurek ziurtatu duenez, Gobernura iristen badira, "lehen 15 egunetan" utziko dituzte bertan behera Macronen pentsioen erreforma polemikoa, erretiroa hartzeko gutxieneko adina 62 urtetik 64ra atzeratzen duena, eta langabezia-aseguruaren erreforma, subsidioa kobratu ahal izateko baldintzak zorrozten dituena eta uda honetatik aurrera indarrean jarri beharko litzatekeena.
Ezkerrak agindutako beste neurri nagusietako bat "hezkuntzaren benetako doakotasuna" litzateke, jantokia, garraioa eta eskola-materiala barne.
Bestalde, EH Bai koalizioak Fronte Popularraren parte izatea erabaki du. Horrela, EH Baiko kideak hautagaitza honen barruan aurkeztuko dira Ipar Euskal Herriko barrutietan. Ostegunean egindako ezohiko batzar batean, militanteen % 95,3k egin dute proiektu politiko berri honetan sartzearen alde.
Zure interesekoa izan daiteke
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.
Etxebizitza turistikoaren jarduera eta gune tentsionatuetan bigarren etxebizitzak erostea mugatu nahi ditu Europak
Etxebizitza krisia dela eta, Europa osoan dagoen arazo larriari heldu nahi dio Bruselak, eta gaur lege berri bat aurkeztu du. Besteak beste, murriztu egin nahi du etxebizitza turistikoaren jarduera eta baita gune tentsionatuetan bigarren etxebizitzak erostea.
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.