Macronek lehen ministroa izendatuko du soilik "gehiengo sendoa eraikitzeko" konpromisoa lortzen denean
Emmanuel Macron Frantziako presidenteak ohartarazi du lehen ministroa soilik izendatuko duela Frantziako indar politikoek "gehiengo sendoa eraikitzeko" konpromisoa lortu eta gero, eta, bien bitartean, egungo Gobernuak bere erantzukizunak betetzen jarraituko duela.
"Lehen itzulian zatituta, bigarrengoan elkarri kendutakoek elkartuta, beren etsai ohien botoei esker hautatuta, indar errepublikarrek bakarrik ordezkatzen dute gehiengo absolutua. Hauteskunde hauen izaerak, aldaketa eta boterearen banaketa eskaera argi batek markatuta, oinarri zabaleko koalizio bat eraikitzera behartzen ditu", adierazi du Macronek herritarrei bidalitako gutun batean.
Frantziako presidenteak ohartarazi duenez, horregatik "indar politikoei denbora pixka bat emango die, konpromiso horiek lasaitasunez eta elkarrekiko errespetuz lantzeko", azaldu du Eliseoak zabaldutako eta hedabideek argitaratutako gutunean.
Macronen hitzetan, halaber, inork ez zituen hauteskundeak irabazi, "ezein indar politikok ez baitzuen gehiengo nahikoa bakarka lortu", eta blokeak edo koalizioak "gutxiengoa dira".
NFP
Macronen hitzek Fronte Popular Berriaren (NFP) asmoak zapuztu ditu. Ezkerreko koalizioa Asanblea Nazionalean lehen indarra da eserleku kopuruari dagokionez (182), baina gehiengo osotik oso urrun (289).
Gauzak horrela, NFPk gogor kritikatu du Macronen gutuna. "Sufragio unibertsalari ezarritako Erret-betora itzultzea da. Hauteskundeen ostean beste koalizio bat osatzeko denbora eman nahi du, zalantzak sortuz", kritikatu du Jean-Luc Melenchon Frantzia Intsumisoaren (LFI) sortzaileak.
Era berean, Marine Tondelier ekologisten buruzagiak hauteskundeen emaitzak ez onartzea leporatu dio presidenteari, eta haren ezezkoak herrialdeari eta demokraziari kalte egiten diola ohartarazi du. "Ezin da aldi berean irabazi eta galdu", gogorarazi dio diputatu ekologistak.
RN
Eskuin muturrak ere Macronen jarrera ez dute hobeto hartu. "Emmanuel Macronek herrialdearen paralisia antolatu du, ultraezkerra boterearen atarian jarriz, azpijoko higuingarrien ondorio. Eta hemendik aurrera hauxe da bere mezua: hor konpon", salatu du sareetan Jordan Bardella RNko presidentea. Macron "arduragabetzat" jo du Bardellak.
Zure interesekoa izan daiteke
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.
Etxebizitza turistikoaren jarduera eta gune tentsionatuetan bigarren etxebizitzak erostea mugatu nahi ditu Europak
Etxebizitza krisia dela eta, Europa osoan dagoen arazo larriari heldu nahi dio Bruselak, eta gaur lege berri bat aurkeztu du. Besteak beste, murriztu egin nahi du etxebizitza turistikoaren jarduera eta baita gune tentsionatuetan bigarren etxebizitzak erostea.
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.