Elurteengatik muturreko arriskupean jarraitzen du Nafarroak
Nafarroako erdialdean elurteak izateko arrisku handiagatik alerta gorria ezarri du gaurko AEMET Estatuko Meteorologia Agentziak. Horren arabera, litekeena da 500 metrotik gora 25 cm-ko elur-pilaketak izatea, eta 400-500 metro artean, berriz, 15 cm-ko elur-pilaketak.
Elurteek arazo ugari eragin dituzte Foru Erkidegoko errepide-sarean, hori dela eta, Nafarroako Gobernuak autoz ez ibiltzeko gomendioa eman du eta, ezinbestekoa bada, zuhurtziaz aritzeko.
Gauzak horrela, elurraren ondorioz, Nafarroako hainbat errepide daude itxita, hala nola, kamioientzako N-121-A (Iruñea-Behobia) 10 eta 50 kilometroen artean, Belateko tunela iparralderako noranzkoan, eta A-15 (Leitzarango autobidea) 113. kilometroan. Azken errepide tarte horren trafikoa A-10etik ari dira bideratzen.
Bigarren mailako sareari dagokionez, itxita daude NA-7510 (Aralarrerako sarrera) 4. kilometrotik, Belaguako mendatea, NA-176 (Garde-Anso) 8. kilometrotik, Matamachos mendatea eta NA-2000 (Isaba-Zuriza). Gainera, kateak beharrezkoak dira NA-137 errepidetik gidatzeko.
Zure interesekoa izan daiteke
Tenperaturak goranzko bidean Euskal Herrian asteburuari agur esateko
Hondartzarako girorik ez, baina tenperatura atseginak ia aste osoan
Abisu horia bero handiagatik igandean ere
Beroa nagusi igandera arte: 30 ºC-tik gora gaurtik aurrera Euskal Herrian
NBEren arabera, El Niño fenomeno meteorologikoa inoiz izan den handiena izan daiteke
Bero itogarria Euskal Herrira itzuliko da
Abuztua bigarren hilabeterik beroena izan da 1970etik, eta mendeko lehorrenetakoa Euskadin
Giro lehorra eta eguzkitsua iraila abiatzeko
Udako giroa izango da nagusi datozen egunetan, baina euria egin dezake igandean Euskal Herrian
