300 metrora elurra egitea espero da asteazkenerako, baita beherago ere puntualki
Datorren astean ere, negu beteko giroarekin jarraituko dugu, eta ondo babestuta atera beharko dugu kalera.
Astelehenean, euri gutxiago egingo du, baina giroa hotzagoa izango da. Isurialde atlantikoan, zaparrada txikiak izango dira, eta oso noizbehinka eta sakabanatuta botako ditu arratsaldetik aurrera. Egunaren lehengo partean, elur-kota 600-800 metroan kokatuko da, eta, hori dela eta, abisu horia egongo da indarrean 09:00ak arte. Hotza areagotu egingo da egunaren amaieran, hegoaldean bereziki. Izotza egingo du barnealdean, mendi inguruetan batez ere, Euskalmeten iragarpenaren arabera.
Asteartean ere, giro hotza izango dugu. Egunak aurrera egin ahala, hodeiak ugarituz joango dira, zerua erabat estali arte. Egunean zehar, prezipitazio txikiren bat izan daiteke isurialde atlantikoan, eta gauean penintsula barnealdetik iritsiko den fronteak zaparradak utziko ditu hegoaldean ere. Une horretan, litekeena da elur-kota 500 metrotik behera jaistea, eta egoera gordindu egingo da hurrengo egunean.
Xabier Casado ETBko "Eguraldia" saioko aurkezlek azaldu digunez, "asteazkenean DANA bat sartuko da, eta horrekin, ezegonkortasuna areagotu egingo da eta elur-maila 300 metrora jaitsiko da. Gainera, zenbait unetan are gehiago jaitsi daiteke. Beraz, asteazkenean, Euskal Herriko hainbat eta hainbat tokitan elurra ikusteko aukera izango dugu, eta ez bakarrik mendi inguruetan".
Egoera antzekoa izan daiteke ostegunean, maximoak zertxobait igoko diren arren, eta ostirala hotza baina eguzkitsua izan daiteke.
Albiste gehiago eguraldia
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.
2025eko abuztua beroenetan hirugarrena izan da
Batezbesteko globala 16,60°C izanik, 2025eko abuztua beroetan hirugarrena izan da erregistroak daudenetik, 2023 eta 2024aren atzetik. Europako hego-mendebaldea bero-boladen pean erretzen ari zen bitartean, Australiak eta Hego Amerikako zati batek batezbestekoaren azpiko tenperaturak izan zituzten.
Arratsaldearekin batera etorri da iragarritako aldaketa, eta atseden eman du beroak
Gau tropikala izan da bart, kostan zein barnealdean. 25 eta 29 ºC arteko tenperaturak egon dira goizaldean, eta antzeko giroarekin argitu du egunak. Igande arratsaldean etorri da aldaketa, eta aste hasieran nabarmen freskatuko du.
Bero sapa Sopuertan eta Gueñesen, 36 gradutik gorako tenperaturekin
Gaurko beroenak Sopuertan eta Gueñesen neurtu dituzte (36,7 ºC eta 36,6 ºC). Euskalmeten arabera, Amoroton 36,1 ºC harrapatu dituzte, eta Balmasedan eta Galdakaon, 35,3 ºC.
Abisu horia larunbat honetan 34 ºC inguruko tenperaturengatik kostaldean
Gainera, iganderako beste abisu hori bat ezarriko dute, baso-suteak izateko arriskuagatik, hegoaldeko haizeak gogor jotzen jarraituko baitu, bereziki isurialde atlantikoan.
Giro nahasi eta freskoarekin abiatuko dugu astea, baina asteazkenean udako giroa itzuliko da
Gaur eta bihar zeru hodeitsuak eta zaparradak izango ditugu, 22º-ko tenperatura maximoekin. Asteazkenean udako giroan murgilduko gara, bete-betean murgildu ere. Dena dela, ez du luze joko, izan ere, ostegunean bertan izango ditugu bueltan euria eta tenperatura freskoak.
Euria eta kazkabarra gogotik bota ditu Nafarroako hainbat txokotan igande arratsaldean
Iragarpenak bete dira eta 17:00etatik aurrera hasi da euria zarra-zarra, baita kazkabarra ere han-hemenka. Goizuetan bota du gehien 24,9 litro pilatu dira ordu erdian. Beran ere euria goi eta behe, 21,9 litro pilatu dira. Iruñean gutxixeago bota du, baina, asko hala ere, 15,3 litro zehazki.
Fronte hotz batek giroa freskatu eta bustiko du
Zaparrada mardulak bota ditzake zenbait lekutan. Astelehenean eguraldia aldakorra izango da, eta asteartean atertzera joko du.