Asteazkenean aire masa hotz bat sartuko da eta elur-maila 400 metrora jaitsi daiteke
Negu beteko giroarekin iritsi da urtarrileko bigarren astea Euskal Herrira. Zeropeko tenperaturekin eta izoztuta esnatu dira hainbat txoko. Nolanahi ere, okerrena asteazkenean iritsiko da, goi geruzetan isolaturiko aire masa hotz bat sartzea espero delako. Ezegonkortasuna areagotu egingo da eta elur-maila 400 metrora jaitsi daiteke, baita beherago ere toki askotan.
Euskalmet Euskal Metereologia Agentziaren arabera, fronte bat iritsiko da penintsularen barnealdetik, aire masa oso hotzarekin. Elurrak lurraldearen hegoaldean eta ekialdean izango dute eragin handiena. Prezipitazio txiki-ertaina egingo du, bereziki eta sarriago egunaren lehen partean. Elur-kota 400-700 inguruan kokatuko da, eta 1.000 metrora, 15 cm-rainoko lodierak espero dituzte. 600 metrora, aldiz, 5 cm-rainoko geruza pila daiteke. Maila horretatik behera ez du zurituko.
Hori horrela, Eusko Jaurlaritzako Segurtasun Sailak abisu horia ezarriko du barnealdean, elurteengatik.
Horrez gain, asteartean beste abisu bat egongo da indarrean (gauerditik 10:00ak arte) muturreko tenperatura baxuak eta izotzagatik, hori ere barnealdean. Izotzarekin batera lainoguneak ager daitezke.
Nafarroan, Aemetek ere bi abisu ezarriko ditu egunotarako. Biharko, zeroz azpiko tenperaturengatik emandakoa egongo da, lurraldearen erdialdean eta Pirinioetan. Termometroa -4 ºC-ra jaitsi daiteke Nafarroako erdialdean, eta -7 ºC-ra Pirinioetan. Asteazkenerako, bestalde, elurragatik ezarriko dute abisua Pirinioetan. 600 metrotik gora 5 zentimetroko geruza pila daiteke, iragarpenaren arabera.
Iragarpenaren aurrean, besteak beste, Gasteizko Udalak gaur gauerditik abian du elurteei aurre egiteko plana "aurre larrialdi fasean". Halaber, Arabako Foru Aldundiak ere Neguko Bidezaintza Programa Operatiboa martxan du, eta besteak beste, 25 langile eta elurra kentzeko bederatzi makina prest ditu, errepideen egoera zaintzeko.
Iragarpena, egunez egun
Gaur, astelehenarekin, atertzera egingo du orduek aurrera egin ahala. Goizean tarteka euria egingo du, batez ere iparraldeko eskualdeetan, baina arratsaldean, atertzera. Elur-kota 600-800 metro inguruan egongo da goizean. Zeruan aurreko egunetan baino ostarte gehiago ikusiko ditugu, hodeitza saretuago egongo baita. Tenperatura maximoak 5-9 ºC-koak izango dira, eta barnealdeko zenbait lekutan izotza egingo du goizean goiz eta gauean, batez ere mendi inguruetan. Haizeak iparraldetik joko du hasieran, baina arratsaldean baretzera egingo du eta ekialdera aldatuko da.
Asteartean giro hotza, baina, oro har, lehorra. Izotza espero dugu lurraldearen zati handi batean, eta behe-lainoa sortuko da goizean goiz bailara batzuetan. Goizean hodeiak eta ostarteak tartekatuko dira. Arratsaldean hodeiak ugarituko dira, hegoaldetik hasita.
Asteazkenean, esan bezala, elurra espero dugu maila behean. Elurraz gain, izotza egingo du, batez ere mendi inguruetan.
Albiste gehiago eguraldia
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.
2025eko abuztua beroenetan hirugarrena izan da
Batezbesteko globala 16,60°C izanik, 2025eko abuztua beroetan hirugarrena izan da erregistroak daudenetik, 2023 eta 2024aren atzetik. Europako hego-mendebaldea bero-boladen pean erretzen ari zen bitartean, Australiak eta Hego Amerikako zati batek batezbestekoaren azpiko tenperaturak izan zituzten.
Arratsaldearekin batera etorri da iragarritako aldaketa, eta atseden eman du beroak
Gau tropikala izan da bart, kostan zein barnealdean. 25 eta 29 ºC arteko tenperaturak egon dira goizaldean, eta antzeko giroarekin argitu du egunak. Igande arratsaldean etorri da aldaketa, eta aste hasieran nabarmen freskatuko du.
Bero sapa Sopuertan eta Gueñesen, 36 gradutik gorako tenperaturekin
Gaurko beroenak Sopuertan eta Gueñesen neurtu dituzte (36,7 ºC eta 36,6 ºC). Euskalmeten arabera, Amoroton 36,1 ºC harrapatu dituzte, eta Balmasedan eta Galdakaon, 35,3 ºC.
Abisu horia larunbat honetan 34 ºC inguruko tenperaturengatik kostaldean
Gainera, iganderako beste abisu hori bat ezarriko dute, baso-suteak izateko arriskuagatik, hegoaldeko haizeak gogor jotzen jarraituko baitu, bereziki isurialde atlantikoan.
Giro nahasi eta freskoarekin abiatuko dugu astea, baina asteazkenean udako giroa itzuliko da
Gaur eta bihar zeru hodeitsuak eta zaparradak izango ditugu, 22º-ko tenperatura maximoekin. Asteazkenean udako giroan murgilduko gara, bete-betean murgildu ere. Dena dela, ez du luze joko, izan ere, ostegunean bertan izango ditugu bueltan euria eta tenperatura freskoak.
Euria eta kazkabarra gogotik bota ditu Nafarroako hainbat txokotan igande arratsaldean
Iragarpenak bete dira eta 17:00etatik aurrera hasi da euria zarra-zarra, baita kazkabarra ere han-hemenka. Goizuetan bota du gehien 24,9 litro pilatu dira ordu erdian. Beran ere euria goi eta behe, 21,9 litro pilatu dira. Iruñean gutxixeago bota du, baina, asko hala ere, 15,3 litro zehazki.
Fronte hotz batek giroa freskatu eta bustiko du
Zaparrada mardulak bota ditzake zenbait lekutan. Astelehenean eguraldia aldakorra izango da, eta asteartean atertzera joko du.