Beroak etenalditxoa emango digu datozen egunetan
Asteazken honetan, giroa freskoagoa izango da: Ipar partean hodei ugari eta euri txikia izango dira. Ostegunean, hodeiak eta ostarteak tartekatuko dira; eta, ostiralean, tenperaturak gora egingo du.
Hilaren hasieran, giro aldakorra izango da nagusi, eta ezusteko batzuk ere izango ditugu. Hainbat egunetan bero handia egin ondoren, aldaketa nabarituko da, eta horrek astearen erritmoa markatuko du leku askotan.
Asteazken honetan, eguraldia freskoagoa izango da, hodei asko eta euri txikia egingo du iparraldean. Tenperatura maximoak 10 ºC baxuagoak izango dira barnealdean, eta bospasei gradu baxuagoak kostaldean. Hala ere, termometroak 23-25 ºC-ren bueltan ibiliko dira, oro har, eta Araba eta Nafarroa hegoaldean 30 ºC-ra iritsi daitezke. Ipar partean zerua ia estalita egongo da egun osoan, eta zenbat eta hegoalderago joan, orduan eta argiago ikusiko da. Araba eta Nafarroa hegoaldean egun eguzkitsua izango dute. Arratsaldean, berriz, zaparradak eta ekaitzak izan ditzakete hegoaldeko zenbait tokitan.
Ostegunean, eguratsak hobera egingo du, pixka bat bada ere. Hodeiak eta ostarteak tartekatuko dira, eta, egunsentian, euria egingo du iparraldean. Tenperatura igotzen hasiko da, eta maximoak 2 eta 4 ºC artean igoko dira; maximoak 24-28 ºC-koak izateraino. Hegoaldean 30 ºC-tik gora izango dira berriro. Goizean zehar ostarteak zabaltzen joango dira, eta lurralde gehienetan egunaren erdialdea nahiko eguzkitsua izango da. Arratsaldean eta gauean, trumoi-zaparradak bota ditzake berriro, batez ere hegoaldean.
Ostiralean, tenperaturak gora egiten jarraituko du. Hodeiak eta ostarteak tartekatuko dira, eta termometroak 26 eta 30 ºC artean kokatuko dira; Araba eta Nafarroa hegoaldean, aldiz, zertxobait altuagoak izango dira. Arratsaldean bero-hodeiak garatuko dira eta zaparradaren bat edo beste bota lezake.
Zure interesekoa izan daiteke
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.
Ekaitzek gogor jo dute Nafarroan eta Gipuzkoan, bigarren egunez jarraian
Gauerdira arte, alerta laranja izango da indarrean ia Nafarroa osoan eta Ipar Euskal Herrian. Noainen, txingor erauntsia izan da, eta 10 minutuan 5 litro pilatu dira metro koadroko.