Hodeiak eta euri txikia, asteburuko protagonistak
Tenperatura maximoak 20 eta 25 ºC artekoak izango dira.
Hodeiak eta euri txikia izango dira asteburu honetako protagonistak Euskal Herrian.
Ostiralean zerua hodeitsu izango dugu leku gehienetan, eta iparraldean euria egingo du. Barnealdeko mendialdeetan lanbroa eta behe-lainoa egon daiteke. Arratsaldetik aurrera, ostarteekin batera euria urriagoa izango da. Gainera, haizeak indartsu ekingo dio arratsaldeari.
Tenperaturan, ordea, ez da aldaketarik egongo; maximoak 20 eta 25 ºC artekoak izango dira.
Larunbatean, eguraldiak ildo beretik jarraituko du. Hodeiak izango dira nagusi eta euriak izango ditugu noizbehinka. Hegoaldean eta Nafarroan, aldiz, arratsaldeak eguzkia utziko digu. Hala ere, ipar-haizea ibiliko da, arratsaldean bizi.
Tenperaturei dagokionez, ez da ia aldaketarik izango; izan ere, maximoak gutxi igoko dira.
Asteburuari amaiera emateko, igandean zerua nahiko estalita jarraituko du Kantauri isurialdean, eta euri txikia izango dugu. Hegoaldean, berriz, hodeigune batzuk baino ez dira iritsiko, eta eguzkitsu jarraituko du egunak. Horrekin batera, iparraldeko haizea zertxobait indartuko da.
Tenperaturaka maximoak gradu pare bat jaitsiko dira, baina aldaketa nabarmenik ez.
Albiste gehiago eguraldia
Giro freskoagoa eta hodeitsua espero dugu astebururako
Tenperaturak behera egingo du asteburuan Euskadin, batez ere Kantauri isurialdean: euria eta zaparradak espero dira zenbait unetan.
Muturreko beroa Euskal Herri osoan; abisu horia ezarri dute 38 gradura arteko tenperaturengatik
Abisu horia eguerditik egongo da aktibatuta, tenperatura oso altuak egon daitezkeelako: 36 gradutik gorakoak Ebro ibaiaren ardatzean eta 38tik gorakoak Nafarroako Erriberan.
Abisu horia ezarri dute ostegunerako Hego Euskal Herrian tenperatura oso altuengatik
Tenperatura maximoak 36 gradu ingurukoak izan daitezke Ebro inguruan, Arabako hegoaldean, Nafarroako erdialdean bezala, eta 38 gradu ingurukoak Erriberan. Kostaldean, ostera, ez du bero handirik egingo, 25 gradu inguruko tenperaturekin.
Abisu horia Araban eta Nafarroan, euriagatik, txingorragatik eta haize-boladengatik
Abisua 15:00etatik 21:00etara egongo da indarrean, eta metro koadroko 15 litro ur pila litezke ordubetean.
Ekaitz bortitzek arazoak sortu dituzte Nafarroan
Tutera eta Iruñea lotzen dituen autobidea itxi egin behar izan dute, euri eta txingor ekaitz handia izan baita. Tuteran, zezen plazako hegal baten zati bat erori da. Gainera, Castejon eta Erriberri arteko tren zerbitzua bertan behera utzi behar izan dute, hiru zuhaitz katenaria gainera erori baitira.
"Gauerdira arte, euri zaparrada mardulak espero ditugu, eta gero, eguraldiak tregoa txiki bat emango digu"
Xabi Casadok adierazi du egoera meteorologikoa "oso ezengonkorra" dela Euskal Herriko leku askotan. Okerrena gaur gauerdira arte espero da. Euri asko egin lezake ia edonon. Badirudi egoerak hobera egingo duela goizaldean, baina bihar arratsaldean ekaitzak izango dira berriro.
Ekaitzek batez ere Araba eta Nafarroa astindu dituzte, eta txingorra bota du zenbait txokotan
Langraiz Okan 38,3 litro bota ditu ordubetean, Subillan 31,5 eta Espejon 23.
Albiste izango dira: abisu horia euriagatik, sanferminetako bosgarren entzierroa eta Yeray Alvarezen positiboa
Gaurkoan albiste izango direnen laburpena, bi hitzetan.
San Fermin egunak freskotasuna ekarriko du Euskal Herrira
Igande gaueko zirimiriarekin batera, astelehenean freskotasuna eta zirimiria bueltatuko da Euskal Herrira, tenperatura jaitsierekin. Hala ere, San Fermin eguna euririk gabe ospatu ahalko da. Asteak aurrera egin ahala, ordea, termometroek gora egingo dute berriro ere.