3,5 metrorainoko olatuak eta ostarteak arratsalderako
Larunbatean, tenperatura maximoek gora egingo dute eta udako giroa nagusituko da. Igandean, fronte bat iritsiko da eta euria egingo du. Gainera, olatuengatik ezarrita dagoen abisu horia larunbat eguerdira arte mantenduko da.
Olatuak Donostian. Artxiboko argazkia: EFE
Gaur arratsaldetik aurrera, ostarteak zabalduko dira eta tenperatura maximoek gora egingo dute. Larunbatean, uda giroa nagusituko da eta eguzkitsu egongo da ia denean, baina euria egin dezake goizeko lehen orduetan. Igandean, fronte bat iritsiko da eta euria egingo du.
Gaur, ostirala, hodeiak agertuko dira eta euri pixka bat egingo du, bereziki kostaldetik hurbil, baina argitzera egingo du arratsaldean. Eguerdian, haizeak mendebal eta ipar-mendebaldera egingo du, eta haizea aldatzearekin batera zaparrada batzuk botako ditu, bereziki kostaldean eta egunaren erdiko orduetan. Arratsaldeak aurrera egin ahala, hodeitza saretuago egongo da eta ostarteak nagusituko dira. Gainera, tenperatura maximoek gora egingo dute.
Larunbatean, giro eguzkitsua izango da eta tenperaturak gora egingo du berriro. Kostaldean, ostarteak agertuko dira; egunaren lehenengo partean euria egin dezake oraindik, batez ere ipar-ekialdean eta kostaldean. Arratsaldean, urdinguneak askoz zabalagoak izango dira. Hegoaldean, giroa eguzkitsua izango da, erabat garbi egongo ez den arren. Tenperatura maximoak igo egingo dira berriro eta uda garaikoak izango dira leku gehienetan.
Igandean, fronte hotz bat sartuko da eta euria egingo du, bereziki kostaldean. Egunaren hasieran, hodeiak ugaritu egingo dira eta zaparradak botako ditu goizetik aurrera, batez ere ipar partean. Arratsaldean, ekaitzak ere jo dezake. Halaber, tenperatura maximoak hiruzpalau gradu jaitsiko dira.
Abisu horia olatuengatik larunbatera arte
Eusko Jaurlaritzako Segurtasun Sailak larunbat eguerdira arte luzatu du itsasaldeko arriskuagatik Gipuzkoa eta Bizkaiko kostaldean ezarritako abisu horia.
Euskalmeten iragarpenaren arabera, gaur, olatuen altuera 2,5 metro ingurukoa izango da goizean, eta 3-3,5 metro ingurukoa, berriz, arratsaldean.
Nabigaziorako abisu horia larunbat eguerdian amaituko da. 2,5-3 metroko olatuak espero dira goizean, baina 2 metrotik beherakoak izango dira arratsaldean.
Eguraldiari buruzko albiste gehiago
Ohikoa al da olatuak horren handiak izatea? Noiz arte iraungo du?
Ezohiko itsaso zakarra dugu gaur, sasoi honetarako. Olatu handiak ditugu, eta arriskutsuak dira bainatzeko. Surflarientzat, ordea, itsasoa jolastoki ederra bilakatu da. Erin urakanaren ondorioak giro aproposa sortu du horretarako, eta Urruñan gutxitan ikusten den 'Belharra' izeneko olatua ere azaldu da.
Abisu horia kostaldean, olatu handiengatik
Segurtasun Sailak bi abisu ezarri ditu: bat, nabigaziorako; beste bat, olatuek kostaldean izan dezaketen eraginagatik. Hainbat lekutan babes-neurriak hartu dituzte; Donostian, adibidez, uhartea eta Paseo Berria itxita egongo dira.
Beroa bueltan da Euskal Herrian
Astelehenean tenperatura oso altuak izango dira barnealdean, eta asteartean, berriz, tenperaturak behera egingo du eta zenbait tokitan euria botako du.
Nafarroak abisu horia aktibatu du ekaitzengatik eta haize-bolada bortitzengatik
Erdialdea, Pirinioak eta Ebroko Erribera izango dira kaltetuenak arratsaldetik gauerdira bitartean, eta txingorra egiteko arriskua ere badago.
Hobera egingo du eguraldiak asteburuan, igandean hodeiak itzul daitezkeen arren
Orduek aurrera egin ahala, ostarteak agertzen joango dira ostiral honetan, eta larunbatean eguzkia izango da nagusi. Asteko azken egunerako, lainoak itzuliko dira, baina betiere tenperatura epeltzeko joera mantenduta.
Abisu horia Kantauri isurialdean, prezipitazio handiak izateko arriskua dago eta
Gaur arratsaldean trumoi-zaparradak botako ditu zenbait tokitan, baita haize-bolada bortitzek jo ere. Bihar, osteguna, eguerdira arte iraungo du abisu horiak.
Jaitsi dira, azkenean, tenperaturak
Leku gehienetan 25 ºC azpikoak izango dira balio altuenak gaurtik aurrera, eta hodeiak ere ugarituko dira pixkanaka.
Muturreko beroa atzean utzita, freskoak eta euritsuak izango dira datozen egunak
Leku gehienetan 25 ºC azpikoak izango dira balio altuenak bihartik aurrera, eta hodeiak ere ugarituko dira pixkanaka.
Bero-boladaren azken orduak Euskal Herrian, tenperaturak nabarmen jaitsi eta euria hasi aurretik
Igande honetan, alerta gorria ezarri dute Nafarroan muturreko tenperatura altuengatik, eta alerta laranja Araban eta Ipar Euskal Herrian. Bizkaian eta Gipuzkoan abisu horia izango dute. Alabaina, hodeiak ugarituz joango dira eta euria hasiko da, bereziki Ipar Euskal Herrian. Bihar abisu horia ezarriko dute han ekaitz arriskuagatik.