Arratsaldearekin batera etorri da iragarritako aldaketa, eta atseden eman du beroak
Gau tropikala izan da bart, kostan zein barnealdean. 25 eta 29 ºC arteko tenperaturak egon dira goizaldean, eta antzeko giroarekin argitu du egunak. Igande arratsaldean etorri da aldaketa, eta aste hasieran nabarmen freskatuko du.
Goiz gorritsua Laudion. Argazkia: Iñaki Arteta.
Iragarrita zegoen gisan, eguerdiaren eta arratsaldeko lehen orduen bitartean, haizeak norabidea aldatu du, eta larunbateko eta igande goizeko hego-haize erreak tokia utzi dio ipar-mendebaldekoari. Kostan, 3-4 ºC freskatu ditu kolpetik. Orduek aurrera egin ahala, barnealdera iritsiko da aldaketa.
Arratsaldean, hodei trinkoagoak sartzen hasi dira, eta tantaren bat utz dezakete azken orduetan.
Freskatzera egingo duen arren, uda-sasoiko tenperaturak izango dira oraindik; hori bai, zerikusirik ez larunbateko bero saparekin.
Atzo, termometroek ia 40 ºC erregistratu zituzten egunez, eta gauean tenperaturak ez dira 27 ºC-tik jaitsi toki batzuetan.
Hala, 03:30ean, 29,3 ºC izan dituzte Donostian (Santa Klara), 28,3 Getxon (Galea), 27,7 Lasarte-Orian, 27,4 Zarautzen, 26,8 Bilbon (Zorrotza), 26,5 Zornotzan, 26,1 Iurretan, 25 Arrasaten, eta 22,1 Gasteizen (Abetxuku).
Egunsentian ere, antzeko giroa izan da: Bilbon eta Sestaon 27 ºC, Lasarte-Orian eta Zarautzen 26, Igorren 24, Arrasaten 23, Otxandion eta Gasteizen 20, eta Agurainen 19.
Astelehenean, giro motela, hezea eta freskoa izango dugu, bereziki ipar partean. Isurialde atlantikoan, hodeiak nagusituko dira, eta zaparradak botako ditu. Hegoaldean, berriz, hodeiak ez dira hain trinkoak izango, eta euria egiteko probabilitatea txikiagoa izango da. Haizea iparraldetik sartuko da. Tenperatura maximoei dagokienez, nabarmen jaitsiko dira; toki askotan ez dituzte 20 ºC baino gehiago harrapatuko.
Asteartea motel antzean hasiko dugu, bereziki isurialde atlantikoan. Egunak aurrera egin ahala, hodei geruza saretu egingo da, eta ostarteak zabalduko dira tarteka. Baliteke tantaren bat egitea, batez ere isurialde atlantikoan. Haizea ipar-mendebaldetik sartuko da, eta tenperaturan ez dugu aldaketa handirik espero behar: maximoak 20 ºC ingurukoak izango dira.
Asteazkenean eta ostegunean, tenperaturak gora egingo du, eta atertzera joko du.
Zure interesekoa izan daiteke
Goiz argitsua eta arratsalde euritsua maiatza abiatzeko
Abisu horia egongo da indarrean ostiral arratsaldeko 17:00etatik 22:00etara, prezipitazio handiengatik, baita bihar 14:00etatik 22:00etara ere. Ezegonkortasuna izango da nagusi maiatzeko lehen asteburuan, eguzki tarteak eta zaparradak nahasiko dira, eta haizea aldakor ibiliko da. Tenperaturek, hala ere, epel jarraituko dute.
Abisu horia Araban euriteengatik, San Prudentzio bezperako Erretretan
Segurtasun Sailak 15:00etatik 21:00etara aktibatu du abisua, Gasteizko jaietako ekitaldien hasierarekin bat eginez. Euskalmetek ordubetean metro koadroko 15 litro baino gehiago bota ditzakeela aurreikusi du.
Hodeitsu bukatuko da apirila, zaparradekin tarteka eta 20 gradu inguruko tenperaturekin
Goibel itxura dakar astelehenak, baita astearteak ere. Halere, oso aldakor dator eguraldia.
Zergatik da garrantzitsua zientzialarientzat eklipseak aztertzea?
Eguzki eklipse osoak ez dira asko izaten. Abuztuaren 12koa igaro ondoren, hurrengoa 2180. urtean izango da. Hori dela eta, zientzialarientzat une hori oso garrantzitsua izan ohi da. Ateratako irudiekin hainbat ikerketa egiten dituzte urteetan zehar. Horren adibide, 1860an, Erresuma Batuko astronomo bat Euskal Herrira etorri zen, orduan izan zen eklipse bati argazkiak ateratzeko.
Udaberriko eguraldia astebururako, baina hodeiak ugaritu eta tenperaturak jaitsi egingo dira
Larunbatean, maximoak 20º ingurukoak izango dira Bilbon eta Donostian, eta 23º ingurukoak Iruñean eta Gasteizen.
Udaberriko giroa nagusi izango da astearen amaieran, baina euria egingo du, eta maximoek, behera
Ostegun honetan, maximoak 30°C ingurukoak izango dira, eta ostiralean, 23°C ingurukoak.
Eguraldi egonkorra eta tenperatura epelak, 25 gradura arteko maximoekin
Ipar partean epelenak 8-10 gradu artean jaitsiko dira, 20-23 graduraino.
Eguzki goria goizean eta trumoi-zaparrada arratsaldean, euriagatiko abisu hori eta guzti
Egunaren lehen zatian tenperatura maximoak 30 graduraino iritsiko dira, hego haizeak bultzatuta. Hala ere, arratsaldetik aurrera bero-hodeiak garatuko dira eta litekeena da, tokian-tokian, ekaitza lehertu eta zaparrada batzuk botatzea. Segurtasun Sailak euriagatiko abisu horia ezarriko du 18:00etan, zaparrada mardulengatik, ordubetean 15 litrotik gora pilatuko direla aurreikusi baita.
Udaberriko eguraldia aste osoan eta 25 gradutik gorako tenperatura maximoak
Tenperatura beroak nagusituko dira aste osoan zehar, baina astearen hasieran trumoi-zaparradak izan daitezke.
Goiz eguzkitsuak eta arratsalde euritsuak
Eguzkitsu esnatuko dira astelehena eta asteartea, baina arratsaldeetan euritara egingo du, udaberrian ohikoa denez, ekaitza izango baita eguerditik aurrera han-hemen. Asteazkenerako giro egonkorragoa iragarri dute, eta ostegunetik aurrera berriro eguzki eta euri kontuak izango dira.