Normaltasuna errepideetan, ostiralean elurra eta txingorra izan ostean
Neguko bideragarritasun plana bertan behera geratu da, eta, atzo ez bezala, gaur ez da espero elurrik egitea altuera baxuetan eta errepideak itxi behar izatea.
Errepideetan gorabeherak eragin zituen denboraldiko lehen elurte handia izan ondoren, asteburuan lasaitasuna dator, tenperaturak gora egingo du eta elur-kota 1.000 metrotik gora kokatuko da.
Barnealdean, elurragatik ezarritako abisu horia 09:00etan desaktibatu dute EAEn, eta AEMETek ez du inolako abisurik ezarri Nafarroan.
Larunbatean, eguraldia nabarmen lasaituko da. Goizean goiz, zaparrada txiki eta bakan batzuk bota ditzake, eta elur-kota 800 metro inguruan egongo da, baina gutxi izango da, eta arratsaldeko azken orduetara arte itxaron beharko da euria berriro ere ikusteko. Euri txikia izango da orduan, eta ziurrenik ez da hegoaldeko eskualdeetara iritsiko; elur-kota 1.500 metrotik gora geratuko da. Hego-mendebaldeko haizea ibiliko da, eta azken orduetan zakartu egingo da kostaldean. Tenperatura maximoak pixka bat igoko dira, baina oraindik hotz kontuekin jarraituko dugu.
Igandean, epeltzeko joerari eutsiko dio, eta, hegoaldeko haizeari esker, maximoak 15-16 ºC-ra iritsiko dira kostaldetik gertu eta 10-12 ºC-ra barnealdean; minimoek ere gora egingo dute eta izotza toki gutxiagotan egingo du. Goizaldean eta gauean euri txikia egin dezake, baina gainerako orduetan, lainotuta egongo bada ere, ateri eutsiko dio.
Astelehenean, euritara joko du. Hasieran, euria txikia izango da eta tarteka egingo du, baina eguerditik aurrera, hodeitza trinkotu eta euria ugariagoa izango da. Goizean, hego-mendebaldeko haizea bizi-bizi ibiliko da, baina eguerditik aurrera, ipar-mendebaldera egingo du eta kostaldean gehiago harrotuko da. Tenperatura minimoek gora egingo dute nabarmen, eta izotza egiteko probabilitatea desagertuko da. Tenperatura maximoak igo egingo dira hegoaldean; ipar partean, berriz, antzekoak izango dira. Egunaren amaieran, elurraren maila 1200 metrora jaitsi daiteke.
Asteartean, nabarmen hoztuko du, ipar-mendebaldeko haizearen eraginez.
Zure interesekoa izan daiteke
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.
Ekaitzek gogor jo dute Nafarroan eta Gipuzkoan, bigarren egunez jarraian
Gauerdira arte, alerta laranja izango da indarrean ia Nafarroa osoan eta Ipar Euskal Herrian. Noainen, txingor erauntsia izan da, eta 10 minutuan 5 litro pilatu dira metro koadroko.