Giro ezegonkorra eta olatu handiak nagusi, asteburuan
Bizkaiko eta Gipuzkoako kostaldea alertapean izango da 18:00ak arte, nabigaziorako arriskuagatik. Horrez gain, Ipar Euskal Herrian ere ezarri dute alerta laranja, euriagatik. Halaber, hainbat abisu hori egongo dira indarrean itsasaldeko arriskuagatik, haizeagatik eta elurragatik Pirinioetan.
Giro bustia izango dute kostaldean, baita itsaso zakarra ere. Artxiboko argazkia: EFE
Bizkaiko eta Gipuzkoako kostaldea alertapean dago gaur, 18:00ak arte, 5 metroko olatuek nabigaziorako arriskua eragingo dutelako. Halaber, Meteofrance Frantziako meteorologia agentziak alerta laranja ezarri du euriagatik Ipar Euskal Herrian 10:00etatik gauerdira arte; lurraldearen zati horretan, zaparradak espero dira, eta 12 orduko epean 40-60 litro pilatu daitezke metro koadroko.
Horrez gain, hamaika abisu hori ezarriko dituzte Euskal Herri osoan muturreko eguraldiagatik, besteak beste itsasaldeko arriskua, prezipitazioak eta ekaitzak eta elurra izango baitira datozen orduotean kontuan izan beharrekoak.
Euskal Autonomia Erkidegoan, Eusko Jaurlaritzako Segurtasun Sailak sei abisu hori aktibatuko ditu gaur-biharretan, aipatutako alerta laranjaz gain. Zehazki, Bizkaiko eta Gipuzkoako haizeguneak abisupean egongo dira 18:00ak arte, 100 km/h-rainoko ufadak espero baitira, bereziki kostaldean.
Gainerako abisuak olatu handiak izateko arriskuagatik aktibatuko dituzte. Lehen ordu tartean, 4-5 metroko olatuak egongo dira, eta alerta laranja dagoen tartean, berriz, 5 metrotik gorakoak. Mendebaldeko haizeak indarra hartuko du, eta itsaski handia edo itsaso zakarra eragingo du. 18:00etatik aurrera, abisu horira jaitsiko dute alerta, eta igandeko 06:00ak arte egongo da indarrean, 3,5 eta 5 metro bitarteko olatuak izango direlako.
Halaber, beste bi abisu hori ezarriko dituzte kostaldean, olatu handiengatik: larunbatean, 15:00etatik 17:00etara, eta igandean, 03:00etatik 05:00etara.
Astelehenean, Eusko Jaurlaritzako Segurtasun Sailak bi abisu hori ezarriko ditu kostaldean olatuen inpaktuagatik, itsasgoran. Lehena, 04:00-06:00etan egongo da indarrean, eta 4,90 metroko itsasgora espero da; bigarrena, 16:00etatik 18:00etara aktibatuko dute, eta itsasgora 4,71 metrora heltzea espero dute.
Alerta laranja euriagatik, Ipar Euskal Herrian
Euri-jasak aurreikusi dituzte Euskal Herriko ipar-ekialdean (Nafarroa iparraldea eta Ipar Euskal Herria), eta, hori dela eta, Meteofrancek alertapean jarriko ditu Pirinio Atlantikoak 10:00etatik gauerdira arte. Iragarpenaren arabera, 40-60 litro pilatu daitezke 12 orduan. Nafarroan, aldiz, abisu horia ezarri du Aemetek Foru Erkidegoko isurialde atlantikoan 06:00etatik 18:00etara; izan ere, metro koadroko 40 litro metatu daitezke 12 orduan, eta 15 litro, ordubetean. Gainera, Pirinioetan beste abisu bat egongo da elurragatik. Elur-maila 800-900 metroan kokatuko da, eta 5 cm-ko geruza pilatu daiteke hortik gora.
Azkenik, Ipar Euskal Herrian bost abisu hori aktibatuko ditu Meteofrancek haizeagatik, ekaitzengatik, elurragatik, elur-jausi arriskuagatik eta olatu handiengatik.
Zure interesekoa izan daiteke
Haizea eta euria, asteburuko protagonistak
Abisua larunbatera arte egongo da indarrean; orduan, itsasgorarekin batera, baliteke bost metroko olatuak altxatzea.
Abisu horia ezarri dute EAEko kostaldean, bost metrorainoko olatuak altxatu eta 100 km/h-ko haize-ufadak egingo dituelako
Abisua ostegun gauetik larunbatera arte egongo da indarrean; orduan, itsasgorarekin batera, baliteke bost metroko olatuak altxatzea.
Joseph ekaitzak Ingriden lekua hartu du eta 156 km/h-ko haize boladak izan dira
Abisu horian izan gara gauean eta oso bolada gogorrak eta euriteak izan dira goizaldean. Gipuzkoa da abisutik kanpo geratu den lurralde bakarra.
Albiste izango dira: Ingrid ekaitzak baretzera egin du, Sanchez eta Pradalesen arteko biharko bilera eta tentsioa gora, Minneapolisen
Gaurkoan Orain-en albiste izango direnen laburpena, bi hitzetan.
"Ingrid" ekaitzak indarra galdu du, baina 5,7 metrorainoko olatuak eta 146 km/h-ko haize-boladak utzi ditu
Ingrid ekaitzak indarra galdu du, itsaso zakarrra eta haize-bolada gogorrak utzi ostean. 06:00etan abisu eta alerta guztiak bertan behera geratu dira, baina gauean haizeak gogor jo du.
Gogotik astindu du Ingrid ekaitzak euskal kostaldea: 145 km/h-ko ufadak neurtu dira Matxitxakon (Bermeo)
Gauerdian amaituko da haizegatik alerta laranja eta abisu horia izango da astelehenean. Itsasaldeko arriskuagatik ezarritako alerta laranja, berriz, asteleheneko 06:00ak arte egongo da indarrean.
Ingrid ekaitzak euria, elurra eta haize-bolada indartsuak utzi ditu Estatuan
Lanzaroten, larrialdi zerbitzuek hiru gazte estatubatuar erreskatatu dituzte, eta laugarren baten bila ari dira uretan, itsasora erori ostean.
120 km/h-tik gorako ufadak egon daitezkeela eta, alerta laranja iganderako Bizkaiko eta Gipuzkoako haizeguneetan
Nabigaziorako itsasaldeko arriskuagatik ere alerta laranja indarrean izango da. Zarautzen ez da Sagardo Egunik izango eta Donostian parkeak itxi dituzte. Getxon, krisi mahaia bilduko da igande honetan.
Ingrid ekaitza: arreta elurragatik, haizeagatik eta olatuengatik asteburu honetan Euskal Herrian
Agintariek hainbat abisu iragarri dituzte egunotarako; nabigazio arriskua, kostaldeko inpaktua, elurteak eta haize-bolada indartsuak direla eta. Ildo horretatik, arreta handiz ibiltzeko eskatu diete herritarrei, batez ere joan-etorrietan.