Azken mende laurdenean indarkeriak artean izan duen eragina, Artiumen
Artium Arte Garaikideko Gasteizko Euskal Zentro-Museoak eta Donostia 2016 Europako Kultur Hiriburuak “1989. Arjeleko Elkarrizketen ondoren. Delirioa eta su-etena” erakusketa inauguratu dute gaur Gasteizen. Gaurdanik, abuztuak 11, azaroaren 1era arte egongo da ikusgai.
Carles Guerra Antoni Tapies Fundazioko zuzendari eta erakusketaren komisarioaren esanetan, Bake-ituna Donostia 2016ren proiektuari dagokion erakusketa honek “ETAren eta Espainiako Gobernuaren arteko Aljerreko elkarrizketetatik (1987-1989) ETAk 2011n jarduera armatua behin betiko amaitu arteko epean terrorismoak artean izan dituen efektuak erakutsi nahi ditu”.
“Irudi eta objektuen esanahiek aldi historiko horretan izandako indarkeriaren ondorioz izan dituzten aldaketei” begiratu die Guerrak, eta ehun artelan, dokumentu eta objektutik gora bildu ditu.
Artista ospetsuek egindako obrak daude erakusketan: Jorge Oteiza, Nestor Basterretxea, Jose Gutiérrez Solana, Luis Claramunt, Jeff Koons, Allan Sekula, Ibon Aranberri, Eduardo Nave, Jon Mikel Euba, Asier Perez, Xavier Ribas, eta Iñaki Garmendia, besteak beste.
Horrez gain, prentsako argazki sorta handi bat ere badago, Manel Armengol, Jon Urbe edo Jon Herraez argazkilarienak, besteak beste, baita askotariko dokumentuak ere,
Bake-ituna
Bake-ituna Donostia 2016ren proiektu garrantzitsuenetako bat da. Euskal Herriko hainbat puntutan antolatu dira ekintzak, artearen historian, kulturan eta zuzenbidean bakeak izan dituen irudikapenak ardatz hartuta.
Erakusketa nagusi bat dago Koldo Mitxelena Kulturunean eta San Telmo museoan, urriaren 2ra arte, eta zazpi gertakari historiko jakini buruzko erakusketak ere badaude, baita Jose Maria Serti buruzko ikerketa monografiko bat ere.
Zure interesekoa izan daiteke
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.