Berri Txarrak Durangon: infrasoinua garrasi ozen bihurtu zenekoa
Testuinguruak dena aldatzen du, eta gerta daiteke definizioz bazterrekoa, alternatiboa (har bedi hitz higatu hori bere esanahirik behinenean), den zerbaitek ?modu artisau eta independentean rock ozen eta distortsionatua egiten duen talde batek, berbarako- zentralitatea hartzea ezustean Sormenaren Lurraldean, errealitatearen logika errukigogorrak halako meniak eskaintzen baititu zenbaitetan, egurats ustelean arnasa pitin bat har dezagun behinik behin.
Hala, Berri Txarraken infrasoinuak oihu ozen bihurtu dira gaur, Azokako laugarren egunean (gaur ere ez dugu huts egin, Landakorako bidean Iurretako Beer Azoka bezalako tranpak aurkituta ere), eta Sormenaren Lurraldera bildutakoen arreta osoa bereganatu du taldeak 11:00etan Ahotsenea Zuzenekoak gunean eskainitako emanaldi akustikoan.
Errepertorioari dagokionez (**KONTUZ SPOILERRA: ?Spoiler? kantua jo dute, eta, diskoaren iruzkinean aurreratu genuen bezala, aldiro zailagoa izango da kantu itsasgarri honek zabaltzen duen saretik askatzea), azken diskoko zazpi kanturen errepasoa egin du taldeak 700 laguneko edukiera duen karpan bildutako jendetzaren gozagarri, Resurrection Fest, Sonorama Ribera, Primavera Sound eta eite erabat ezberdineko hamaika jaialditan jotzera eraman duen izaera poliedrikoaren beste ertz bat agerian utzita.
Puntualtasun handiz, ?Dardararen bat? kantuarekin ekin dio hirukoteak (egiatik hurbil egon dira kantuaren lehen hitzak gaurkoan: ?Goizeko bederatziak, kafe egin berria zainetan?), soinu garbi eta indartsuz (nagiak atera dizkiote bati baino gehiagori Galderrek kantua gidatzeko egiten dituen break, sigi-saga, zoragarriak).
Horren segidan etorri dira ?Spoiler?, ?Zorionaren lobbya? (diskoen eta liburuen bidez horri aurre egiteko gonbita egin du Gorkak, Axl Roseren estiloan txistu egin aurretik), ?Beude? musikari eta bizitzari (barka erredundantzia) idatzitako oda malenkoniatsua, ?Zaldi zauritua? eta berori bideratzen duen Daviden baxu lerro jostaria (Parisen gaur egitekoa den mobilizazio historikoaz gogoratu da Gorka, kantuari ekin aurretik), ?Zuri? eta Gorkak bakarka jo duen ?Katedral bat?.
Berri Txarraken ohiko formatuaren gosez utzi ditu lagin honek zaleak, martxorako BECen jarritako hitzorduaren zain, Bi Bala eta FaltA ?taldetzarrak? gomendatuta taldekideek Landakakoko beren erakusmahaian diskoak sinatzen jarraitzera alde egin aurretik.
Gugan beude Berri Txarrak, Ahotsenea, Durangoko Azoka eta eguneroko zarata itogarri eta geldiarazleari gailentzen zaizkion melodia eta oihuak proposatzen dituen oro.
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.