Bilbo, Kobetan lau egunez musika eta musikazaleak hartzeko prest
Bilbo prest dago, beste urte batez, uztaileko bigarren asteburuan Euskal Herriko musikaren hiriburua izateko. Uztailaren 11, 12 eta 13an, 100 artista eta taldek baino gehiagok beren eskaintza taularatuko dute Bilbao BBK Live jaialdiaren hamalaugarren edizioan, eta aurten, gainera, egun bat luzatuko da musika eskaintza, Berri Txarrak taldeak emanaldi jendetsua eskainiko baitu igandean, hilak 14, eremu berean, agur-biraren barruan.
Aurten ere, doako autobusek garraiatuko dituzte musikazaleak etengabe Kobetamendira, nola San Mamesetik hala BECetik, eta handik bueltan, eta antolatzaileek gogora ekarri dute 16:00etatik aurrera Beyenaren fabrika zaharrean ezarriko dutela Kobetako geltokia, jaialdiaren eremutik hamabost bat minutura oinez.
Berri Txarraken kontzerturako autobusak, bestalde, 16:00etan jarriko dira martxan.
Ibilgailu pribatuek asteazkeneko, uztailak 10, 11:30etik asteleheneko 04:00ak arte izango dute mugatuta joan-etorria Basurtu-Kastrexeana errepideko bidegurutzetik Kobeta mendi eta Altamirako erretegiraino.
Eskumuturrekoa, autobusa hartu aurretik
Iaz bezala, Bilbao BBK Live jaialdira sartzeko eskumuturrekoa eremura igo aurretik hartu beharko da, sarreraren truke, San Mames estadioaren barruan (Athleticek gune bat atondu du horretarako) edo BECen.
Igandean, Berri Txarraken kontzerturako, ez da eskumuturrik hartu beharko, eta sarrera aldean dela soilik igo beharko da Kobetara, antolatzaileek azaldu digutenez.
Metro zerbitzu berezia
Metro Bilbaok zerbitzu berezia eskainiko du osteguneko (uztailak 11) eta igandeko (hilak 14) gauetan, 23:00etatik 03:00etara, Kobetara bertaratutakoak etxera itzuli ahal izan daitezen. Ostiral-larunbatetan gau osoz egongo da metro zerbitzua.
Halaber, antolatzaileek kontzertuetara oinez igo eta bertatik oinez jaisteko gonbita egin dute, eta adierazi dute Kobetako autokarabana aparkalekua BECen kanpoaldera lekualdatuko dutela egun horietarako.
Cashless
Bilbao BBK Liven ez da eskudirurik erabiliko. Publikoak sarreraren truke jasoko duen eskumuturrekoen teknologiaren bidez ordaindu ahalko du jaialdiaren hiru egunetan, eta Sarean zein jaialdiaren eremuan kargatu ahalko da hori diruz.
"Ez beti da ez"
Last Tour enpresa antolatzaileak eta Bilboko Udalak eraso sexisten aurkako borrokarekin bat egin dute eta, horien aurrean, prebentzioko eta sentsibilizazioko kanpainak aurkeztu dituzte: musikazale guztiek eskura izango dituzte erasorik jasan edo ikusiz gero nola jokatu azaltzen duten gidak.
Gainera, AgreStop/EraStop doako aplikazioa ere erabilgarri dagoela ekarri dute gogora. Android eta Applen erabili ahal den aplikazio doakoak zure kokapenaren berri ematen dio Poliziari, “larrialdietarako botoia” sakatuz gero.
Zure interesekoa izan daiteke
Txelu Angoitia, Durangoko Azokako argazkilari ofiziala: "Beti saiatzen naiz irudi berri edo berezi bat aurkitzen"
Durangoko argazkilari familia duela 60 urte hasi zen Azokan gertatzen zen guztia argazkietan islatzen. Gaur egun, ondorengoetako bat, Txelu Angoitia, Durangoko Azokako argazkilari ofiziala da.
Landako Gunea kulturaz betetzen hasi da
Durangoko Azokaren 60. edizioak bihar, abenduak 5, irekiko ditu ateak. Gaur erakustokiak betetzeko eta atontzeko eguna da Landako Gunean. 1.000tik gora nobedade, 273 ekitaldi eta 285 erakusmahai izango ditu aurtengo edizioak.
“Askotan, ez dakit nondik datorren sorkuntzarako indarra; gero ez dago eta horrenbeste hartzaile"
Durangoko Azokaren aurtengo edizioaren atarian, Beñat Gaztelurrutia Gerediaga Elkarteko koordinatzaileak ETB1eko "Egun On Euskadi" saioan adierazi du sorkuntza ugaria dela, eta kalitate handikoa: “Gazte belaunaldi oso bat ari da sortzen eta sortzen", esan du, eta horientzat guztientzat hartzaileak behar direla nabarmendu du.
Durangoko Azoka iruditan: karteletik unibertso bisualera
Sei hamarkadan, hamaika modutara ekarri da iruditara Kulturaren Jaialdia, 1965ean Andreu Uriarte durangar artista plastikoak Durangoko Azokari lehenengoz irudia jarri zionetik aurten, 60. ediziorako, Iratxe Reparaz arte zuzendariak “kartel infinituak” sortu dituen arte. Patri Laiseka Gerediaga Elkarteko kideak gidatuta, bidaia bat egin dugu arte plastikotik diseinu grafikora joan-etorria izan den kartelaren bidetik.
2026an ez da Koba Live jaialdia egingo Abadiñon, erakundeek diru-laguntzak murriztu ondoren
Ohar batean, Sugaar musika elkarte antolatzaileak azaldu du Bizkaiko Aldundiak eta Abadiñoko Udalak diru-laguntzak murriztu izana dagoela erabakiaren atzean. Etena behin betikoa dela ere argitu du elkarteak, eta ez du baztertzen etorkizunean metal eta rock jaialdia berreskuratzea.
Ohorezko Lauaxeta saria Benito Lertxundi eta Jose Anjel Irigarairi eman diete, "Bizkaia maite" kantagatik
Bizkaiko Foru Aldundiak 2025eko Lauaxeta sariak banatu ditu astelehen honetan. Ohorezko saria Benito Lertxundi abeslariari eta Jose Anjel Irigarai idazleari eman diete, Bizkaia maite kantaren euskal kulturari egindako ekarpena aitortuz. Bi saridunak ez dira ekitaldira bertaratu ahal izan, eta Olatz Zugasti abeslariak, Lertxundiren bikotekide eta lankide artistikoak, jaso ditu, biak ordezkatuz.
2026an Primeran plataforman estreinatuko den "Tamara Ta Mara" telesailaren filmaketa bisitatu dugu Bilbon
Casting batean aurkitzen diren bi aktoreren arteko lehiari buruzko komedia da "Tamara eta Mara". ETBren talentu berrien lehiaketaren irabazleetako bat da euskarazko fikzio hau.
ETS taldeak disko berriaren aurrerapen festa egin du, 8.000 lagunen aurrean
En Tol Sarmiento musika taldeak "Konkista" deituriko disko berria aurkeztuko du ostiralean, Durangoko Azokan. Hala ere, igande honetan entzunaldi festa egin du 8.000 lagunen aurrean, eta abesti berriak zuzenean jo ere egin dituzte.
Xabat Illarregik euskarari "zentralitatea" eman nahi izan dio finalean
Nafarroako bertsolari onenaren txapela jaso berritan egindako lehenengo elkarrizketa.
Euskarari eta anaitasunari eskaini dio azken agurra Xabat Illarregi txapeldunak: “Hizkuntzarik ez duen herri bat ez da herri izango”
Xabat Illarregi leitzarrak irabazi du Nafarroako Bertsolari Txapelketa, lehenengoz. Azken agurrean, Joanes anaiari eskerrak emateaz gain, euskaraz egitearen beharraz eta garrantziaz aritu da.