EAEko herritarrek Guggenheim doan bisitatzeko aukera izango dute urriaren 25etik abenduaren 2ra
Euskal Autonomia Erkidegoko herritarrek Guggenheim Bilbao Museoa doan bisitatzeko aukera izango dute urriaren 25etik abenduaren 2ra, 'Denontzako BBK artea' ekimenaren eta museoaren 25. Urteurrenaren markoan.
Museoaren 25 urteak ospatzen jarraitzeko, Joaquin Achucarro, Mastodonte, El Niño de Elche eta Escuderoren 'Sinfonia mitica'ren kontzertuak izango dira aurten.
Urteko azken hiruhilekoan zehar 25. urteurrena ospatzen jarraitzeko egitaraua aurkeztu du Juan Ignacio Vidarte Guggenheim Bilbao Museoko zuzendari nagusiak.
Urriaren 25etik abenduaren 2ra 'Denontzako BBK artea' kanpaina martxan izango da. Euskadiko herritarrek museoa doan bisitatzeko aukera izango dute tarte horretan.
Vidarteren esanetan, BBKk babestutako ekimena "museoaren sustraitzea herriari eskertzeko" modua da, "urte guzti horietan erabakigarria izan baita arrakastan". Sarrerak erreserbatzeko epea urrian zabalduko da.
Datozen hilabeteetako ekitaldien artean, museoaren atariak Francisco Escuderoren 'Sinfonia Mitica' hartuko du, Bilboko haur abesbatzaren eta Ensemble Kuraiaren eskutik; eta Andoni Aleman kontalari bezala.
Lanak euskal mitologia du ardatz; konkretuki, Jose Miguel Barandiararen kontakizunak, eta testu osoa euskaraz da. Ensemble Kuraiak museoak bezalaxe 25 betetzen ditu aurten.
Urriaren 14, 15, 16 eta 17an emanaldi sorta izango da museoaren kanpoaldean. Solomon Guggentheim museoko Works & Process programan parte hartzen ari diren dantzariak izango dira protagonistak. Rap, beatbox eta break dance emankizunak eskainiko dituzte.
Urriaren 14an Pop-up emanaldiak antolatu dituzte, 12:00etan Moyua plazan eta Bizkaiko Foru Aldundiaren aurrean, eta 18:30ean Areatzako zubian eta Arriaga plazan; eta urriaren 15ean, 12:30ean, Plaza Barrian eta 18:30ean Udaletxeko zubian. Gainera, urriaren 16an museoa izango dira emankizunak, 12:30ean eta 20:30ean, eta urriaren 17an, 18:30ean.
Urteurrena urriaren 18an ospatuko da. Bilbo, New York eta Veneziako Guggenheim museoetako patronatuek ospakizun bateratua egingo dute 17ko gauean. Museoaren urteroko afariaren edizio berezia izango da gau horretan bertan.
Zure interesekoa izan daiteke
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.