Miro, Picasso eta Kokoschka, Guggenheim Bilbao Museoaren 2023ko protagonisten artean
2023ko programazioa aurkeztu du Guggenheim Bilbao Museoak, eta ohi bezala, izen handiko mundu mailako artisten lanak egongo dira ikusgai Bizkaiko hiriburuan. Hala nola, Joan Miro, Picaso, Oskar Kokoschka edota Gego sortzaileen obrak erakutsiko dira datorren urtean.
Otsailaren 10ean emango diote hasiera denboraldi berriari, Joan Miro kataluniarraren "Joan Miro. Errealitate absolutua. Paris, 1920–1945" erakusketarekin. Miroren ibilbide artistikoan funtsezko aldia izan zen Parisen bizitakoa, eta hori nabarmendu nahi dute, museoko arduradunek jakitera eman dutenez.
Horren ondoren, martxoaren 17an, Oskar Kokoschka artista austriarrari eskainitako atzerabegirako handia eta Lynette Yiadom-Boakye artista britainiarraren azkenaldiko obraren aurkezpena —martxoaren 31tik irailaren 10era bitartean— iritsiko dira Guggenheim Bilbaora. Ekainaren 27an, berriz, Yayoi Kusama sortzaile japoniarrari eskainitako erakusketa bat hartuko du, bere bizitza eta ibilbide artistiko luzea sakonetik aztertzeko.
Uda ondoren, irailaren 29an, Picassoren lanaz gozatzeko aukera izango dute museora gerturatzen direnek. "Picasso. Materia eta gorputza" inauguratuko da, Malagako maisuaren eskultura ekoizpenari buruzko erakusketa zabala, haren heriotzaren 50. urteurrena ospatzeko ekitaldien barruan.
Urrian eta azaroan, bestalde, Marine Hugonnier artista frantsesaren obra berria eta Gego artista alemaniar-venezuelarraren lanaren atzerabegirakoa izango dira ikusgai. Eta, azkenik, 2023ko programazioa osatzeko, Guggenheim Bilbao Museoaren Bildumako artelanak ere erakutsiko dira.
Museoaren Fundazioaren Patronatua atzo bildu zen, Iñigo Urkullu lehendakaria buru zela, datorren urteko aurrekontua onartzeko. Batzarrean emandako datuen arabera, 2023an 950.000 bisitari hartzea aurreikusi dute museoko arduradunek, eta 32.665.379 euroko aurrekontu operatiboa adostu dute, iazkoa baino % 8,1 handiagoa, besteak beste, energia kostuen eta KPIaren igoeragatik.
2022an 1.247.599 bisitari hartu ditu Guggenheim Bilbaok, aurreikusitakoa baino % 55 gehiago eta 2021eko epe berean metatutako kopuruaren bikoitza.
Zure interesekoa izan daiteke
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.