Kalean da Gorka Urbizuren bakarkarko lehen diskoa, "Hasiera bat"
Infrasoinuak Berri Txarraken azken diskoa argitaratu zenetik zazpi urtera, Gorka Urbizuk (Lekunberri) 2019an taldearen amaierarekin etorri zen isiltasun diskografikoa hautsi du, ezustean. Hasiera bat diskoa kaleratu du gaur, astelehenarekin, Blue Mondayz.
Hamar kantu soil, "erantzi, hustu, kimatu"ko bilduma da "Hasiera bat", Teatre de ca l'Eril 1904ko antzokian (Guissona, Lleida, Katalunia) zortzi pistako grabagailu analogiko batean grabatua, Jordi Matas eta Joan Pons ekoizleekin. Kataluniako musikariak izan ditu lagun Urbizuk: Matas bera baxu, gitarra eta baterian (azken hori "Sute bat" kantuan), eta Pons ("Janela bat", "Maitasun bat" eta "Besterik ez"), Ferran Palau ("Tren bat" eta "Kolore bat") eta Ildefons Alonso ("Toki bat", "Teoria bat" eta "Lilura bat") baterian.
Diskoaren berri emateko orrian, diskoa "bost zentzumenez entzuteko" gonbita egin du Urbizuk: "Gelditu eta entzun. Barrutik soilik ireki daitezkeen ateak ireki. Garbitu zarata. Beharrezkoa dena esan, besterik ez. Soiltasunaren ederra lortzen ahalegindu, sortuko denaren beldurrik gabe".
Diskoa eskatu egin daiteke dagoeneko, bi itxuratan biniloan edo CDan, eta martxoan bidaliko dituzte. Laster emango du, gainera, nafar musikariak diskoa aurkezteko biraren berri.
"Teoria bat" kantuaren bideoklipa aurkeztu du Urbizuk, diskoarekin batera, Alexander Cabeza Triggek zuzendua. 2023ko udan Lleidan diskoa grabatzen ari zirela hartutako irudiak baliatu ditu kataluniar zinemagileak kantua janzteko.
Asteazkenean, hilak 17, 19:00etatik aurrera, jendaurreko lehen aurkezpena egingo du Gorka Urbizuk, Lekunberrin, Gaztearen eskutik. Saioa streamingez jarraitu ahal izango da.
Zure interesekoa izan daiteke
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Jazza ozen Donostian, Pat Metheny, Diana Krall eta Marcus Millerren eskutik
Donostiako 61. Jazzaldiak 77 kontzertu eskainiko ditu uztailaren 22tik 26ra, horietako 47, doakoak. David Murrayk, Joe Lovanok eta, jaialdia gidatuko duen azken urtean, Miguel Martín zuzendariak jasoko dituzte Donostiako Jazzaldia sariak.
Madonna, Shakira, Ronaldinho edo Ronaldo Nazario, izar nagusiak Super Bowl kutsuko Munduko Kopako finalean
Justin Bieberrek Everyyhing Hallejujah interpretatu zuten, gitarraz lagunduta. Harmailetan beste izar batzuk zeuden; hala nola Beyonce, Dua Lipa, Rihanna, Timothée Chalamet eta Matt Damon.
The Bad Plus taldeak bere agur-birako azken kontzertuetako bat eskaini du Gasteizko Jazzaldian
The Bad Plus taldeak Gasteizko Jazzaldian eskaini zuen bere agur-birako azken kontzertuetako bat. Talde estatubatuarra 26 urte, 16 disko eta milaka emanaldiren ibilbideari amaiera ematean ari da, eta jaialdiaren 49. edizioko azken eguneko hitzordu hunkigarrienetako baten protagonista izan zen. Giant eta Anthem for the Earnest kantek Mendizorrotzako publikoa hunkitu zuten.