'Handia', Altzoko handiaren eta bere anaiaren arteko istorioa
Donostiako Zinemaldian ikusmin handia zegoen Handia filma ikusteko eta, oro har, publikoaren artean harrera ona izan du. Sail Ofizialean aurkeztu dute, eta Jon Garañok eta Aitor Arregik zuzendutako eta EITBk babestutako filma Urrezko Maskorra irabazteko lehian izango da. Lehen proiekzioaren ostean, Jon Garañok nabarmendu duenez, Handia Altzoko handiari (Miguel Joaquin Eleizegui) eta bere anaiari (Martin Eleizegui) buruzko pelikula bat da. Zinemaldian Handia ikusteko sarrerak agortuta daude, baina urriaren 20an helduko da zinema aretoetara. Aurrez, Altzoko handiak egin zuen modura, Handia Londresera joango da bi aste barru, bertako zinema jaialdian parte hartzeko.
Jon Garañok badaki Zinemaldian parte hartzea zer den; izan ere, Jose Mari Goenagarekin batera zuzendu zuen Loreak filma Sail Ofizialean lehiatu zen. Oraingoan, ordea, Aitor Arregik eta biek zuzendutako filma aurkeztera etorri da. Loreak eta Handia filmen arteko konparazioaz galdetuta Aitor Arregik prentsaurrekoan adierazi duenez, Loreak eta Handia bi istorio oso ezberdin dira eta "bakoitzak bere autonomia izatea" nahi dute. Aitzitik, beraiek loturak aurkitzen dituztela azpimarratu dute. Halaber, Loreak filmak orain Handia egiteko ateak zabaldu dizkiela aitortu dute; izan ere, 3,5 milioi euroko aurrekontua izan du.
Prentsaurrekoaren hasieran kontu bat argitu nahi izan du Jon Garañok: "Handia ez da Altzoko handiari buruzko pelikula bat, Altzoko handiaren eta bere anaiaren arteko harremanari buruzko pelikula bat baizik". Miguel Joaquin eta Martin anaien arteko harreman hori azpimarratu dute behin eta berriro. Miguel Joaquin, Altzoko handia, etengabe hazten, aldatzen ari da; aldi berean, ordea, tradizioari eutsi nahi dio. Martin anaiak, ostera, aldatu egin nahi du. Pelikulan behin eta berriz ikusten da bi mundu horien talka hori. Hala ere, elkarren osagarri dira, yin eta yang bezala.
Halaber, aldaketen inguruko hausnarketa bat egiten du pelikulak. Bertan kontatzen denez, aldaketak etengabeak dira, nahiz eta askotan ezer ez dela aldatzen dirudien. "Aldaketak saihestezinak dira eta egokitu egin behar duzu, baina egokitzea ona da edo ez?", esan du Aitor Arregik zuzendariak.
Munstro baino, pertsona bezala erakutsi nahi izan dute Miguel Joaquin Eleizegui Handia pelikulan. Altzoko handia 1818an jaio zen Ipintza baserrian eta 20 urtetik aurrera, gaixotasun baten ondorioz, izugarri hazten hasi zen; 2,42 metro neurtzera eta 203 kilo pisatzera iritsi omen zen.
SINOPSIA
Lehen Karlistaldian borrokatu ostean, Martin Gipuzkoako bere etxera itzuliko da, eta han, harrituta, bere anaia gazte Joakin ohikoa baino askoz ere handiagoa dela aurkituko du. Mundu osoak Lurreko gizon handiena ikusteko ordaindu nahi izango duelakoan, bi anaiek bidaia luze bati ekingo diote, Europan zehar. Bidean, anbizioak, diruak eta ospeak betirako aldatuko dute familiaren patua. Benetako gertakarietan oinarritutako istorio bat.
Zure interesekoa izan daiteke
‘Ander eta Yul’ filma zaharberritu dute EITBk eta Euskadiko Filmategiak
Ana Diez zuzendari nafarraren ‘Ander eta Yul’ (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’immagine Ritrovata laborategietan aztertu eta eskuz konpondu dute, aurretik, besteak beste, ‘Tasio’ filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.