“Handia”gatik
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Eneko Sagardoy, aktore onenaren sariaren irabazlea Punta del Esteko zinemaldian

Sagardoyk “Handia” filmean egindako lana saritu dute Uruguain. “Cuando dejes de quererme” (zinemetan ikusgai) eta “Errementari” ostiral honetan, martxoak 2, estreinatuko den lanean ere ageri da.
"Handia" filmean egindako lanagatik saritu dute Sagardoy Uruguain
"Handia" filmean egindako lanagatik saritu dute Sagardoy Uruguain

Agentziak | Erredakzioa

Azken eguneratzea

Eneko Sagardoyk gizonezko aktore onenaren saria irabazi du Punta del Esteko (Uruguai) Nazioarteko Zinema Jaialdiko 21. edizioan, “Handia” filmean Altzoko Handiarena azalean egindako lanagatik.

Jon Garañok eta Aitor Arregik zuzendutako lanak Altzoko Handiaren istorioa kontatzen du, XIX. mendean Europako gizakirik altuena izan arte hazten jarraitu zuen gazte gipuzkoarrarena. Lanak 10 Goya sari irabazi zituen otsail hasieran, besteak beste, Sagardoyk berak gizonezko aktore berri onenaren atalean lortutakoa.

Punta del Esteko zinemaldiko epaimahaikideak izan dira Ana Katz eta Lorena Muñoz argentinarrak, Carlos Gerbase brasildarra, Claudio Pereira txiletarra eta Veronica Perrotta uruguaitarra.

Film onenaren saria “Matar a Jesús” Laura Moraren kolonbiar filmarentzat izan zen.

Eneko Sagardoyk irabazi du gizonezko aktore berri onenaren Goya saria
Eneko Sagardoy: '13 izendapenak saria dira filmarentzat'
Zinema Euskal Autonomia Erkidegoa Aktoreak Eguneko Titularrak Uruguai

Zure interesekoa izan daiteke

Gehiago ikusi
Publizitatea
X