14 urte geroago Etxebeste familia berriz elkartuko da, ‘Agur Etxebeste’ filmean
Astelehenean Aupa Etxebeste euskal film arrakastatsuaren bigarren partearen grabaketa hasiko da Bergaran (Gipuzkoa). Hamalau urte geroago Etxebeste familia berriz elkartuko da, Agur Etxebeste filmean. Handia filma estreinatu zen arte euskaraz inoiz egindako film komertzial ikusiena izan zen.
Lantalde artistiko eta tekniko berak hartuko du parte, Telmo Esnal eta Asier Altunaren zuzendaritzapean. Bertan izango dira Ramon Agirre (Patrizio Etxebeste), Elena Irureta (Maria Luisa), Iban Garate (Iñaki) eta Paco Sagarzazua (Luziano). Irusoin, La Fidele Production eta Klima Media etxeek ekoitziko dute filma.
Irusoinek proiektu berri honi hasiera eman zionean, 2005ean Aupa Etxebeste filmaren grabaketan parte hartu zuen lantalde bera biltzeko asmoa zuen. Zuzendariek jakinarazi dutenez, istorio berria zeharo ezberdina izango da, baina oraingoan ere umorea ziurtatuta dago. Aurrekoan, Marbellara oporretara joatekoak zirenean dirurik ez zutela ohartu ziren eta oporrak etxean igaro zituzten, haien egoera ekonomikoa ezkutatzeko asmoz.
Aupa Etxebestek lortutako arrakastaren ostean, “bigarren partea edo serie bat egitea” aztertu zuten, baina garai hartan zuzendariek eskuartean beste proiektu batzuk zituzten eta ideia hori alde batera utzi behar izan zuten, Esnalek azaldu duenez. Ostegun honetan, Agur Etxebesteren grabaketaren inguruko xehetasunak eman dituzte zuzendariek, Donostiako Tabakaleran egin duten agerraldian.
Telmo Esnalen esanetan, orain dela lau urte inguru filmaren bigarren partea egitea proposatu zien Irusoinek, eta lantalde guztia berriz biltzeko aukera ikusita, proiektuarekin hasteko “une egokia” zela pentsatu zuten zuzendariek.
“Zer kontatu” jakin behar zuten
Telmo Esnal eta Asier Altuna zuzendariek Nagore Aranbururekin batera idatzi dute gidoi berria.
Umorean oinarritutako filma izango bada ere, “pertsonaiek egiten dituzten txisteetan oinarritutako istorioa izan beharrean, haien arteko harremanetan oinarrituta egongo da”, esan du Esnalek.
Asier Altunak aitortu duenez, “bigarren parteak zailak izaten dira eta ardura handia” suposatzen dute. Alabaina, “gidoiak duen pisuan” sinesten duela esan du, eta bigarren zati bat baino gehiago “beste pelikula bat” izango dela gaineratu du.
2019rako aurreikusita dago lan berria estreinatzea, eta Euskal Herriko zinema aretoetan euskaraz ikusteko aukera egonda da.
Albiste gehiago zinema
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.