'La trinchera infinita' Zinemaldiko Sail Ofizialean lehiatuko da
"La trinchera infinita" Jose Mari Goenaga, Jon Garaño eta Aitor Arregi euskal zuzendarien ("Loreak", "Handia") lan berria Donostiako Zinemaldiko Sail Ofizialean lehiatuko da irailaren 20tik 28ra, Urrezko Maskorraren bila, zinema-jaialdiaren arduradunek gaur Madrilen iragarri dutenez.
Zinemaldiak aurten Donostiako jaialdiaren sail nagusietan ikusiko diren Espainiako Estatuko pelikulak aurkeztu ditu gaur, eta ekitaldi horretan jakin dugu, 2014an "Loreak" eta 2017an "Handia" filmekin egin zuten bezala, Moriarti ekoiztetxekoak Sail Ofizialean izango direla, oraingoan EiTBren parte-hartzearekin gaztelaniaz filmatutako "La trinchera infinita" istorioarekin.
Antonio de la Torre eta Belen Cuesta aktoreak protagonista dituen lanean, 1936ko uztailean Espainiako Gerra Zibila hasi ondoren, errepresalien beldur etxean ezkutatuko den gizon baten istorioa du kontagai. 33 urte pasatu arte ez da kalera berriz irtengo.
Euskal sortzaileekin jarraituta, Sail Ofizialetik kanpo, Maider Fernandez Iriarteren opera prima, "Las letras de Jordi", estreinatuko dute New Directors zuzendarien lehen eta bigarren filmak biltzen dituen sailean. Zuzendariak garuneko paralisia duen 51 urteko gizon batekin duen harremanari buruzko lana da.
Gainera, Zabaltegi-Tabakalera sailean, iaz "592 metroz goiti" film laburrarekin ere hautatu zuten Maddi Barber Lakabeko zinemagileak "Urpean lurra" film ertaina erakutsiko du, eta Ion de Sosa gipuzkoarrak Chema García Ibarra Alacanteko zuzendari, gidoilari eta ekoizlearekin batera eginiko lan bat, "Leyenda dorada", aurkeztuko du, Berlinalen erakutsi eta gero.
Izibene Oñederrak hirugarrenez hartuko du parte Zinemaldian, oraingoan "Lursaguak / Escenas de vida" lanarekin.
Espainiako zinema
Madrilgo Arte eta Zientzia Zinematografikoen Akademiaren egoitzako agerraldian zehaztu dutenez, Sail Ofizialean ikusgai egongo dira "La hija de un ladrón", Belén Funesen lehen film luzea, eta "Mientras dure la guerra", Alejandro Amenabarren pelikula berria, zeinetan Karra Elejaldek Miguel Unamunorena egiten baitu.
Daniel Sanchez Arevalok (Madril, 1970), bestalde, lehen aldiz hartuko du parte Donostiako Zinemaldiko Sail Ofizialean, lehiaketaz kanpo, "Diecisiete" lanarekin.
Sail Ofizialeko emanaldi berezien atalean, "La odisea de los giles" Sebastián Borensztein argentinarraren filma proiektatuko dute.
Perlak sailean, bestalde, Oliver Laxeren (Paris, 1982) "O que arde" ikusi ahal izango dugu, EiTBren parte-hartzea duen filma, Cannesko zinema-jaialdiko Un Certain Regard sailean Epaimahaiaren Saria jaso zuena.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.