Kultur jarduerak eta ikuskizunak ekainaren 1etik aurrera itzuliko dira
Ekainaren 1etik aurrera kultur jarduerak eta ikuskizunak antolatu ahalko dira Araban, Bizkaian eta Gipuzkoan, Iñigo Urkullu lehendakariak foru aldundietako agintariei eta udaletako ordezkariei gaur aurkeztutako dokumentuan jasotakoaren arabera.
Proposamen horretan, "uda kulturala" ekainaren lehenean abiatzea aurreikusten da, betiere Osasun Sailak ezarriko dituen segurtasun irizpideen arabera. Neurri horiek konfinamendua biguntzeko Eusko Jaurlaritzaren Bizi Berri programa bilduko dituzte.
Betebeharreko arau orokorrak, baina, hauek izango dira: pertsonen arteko distantzia mantentzea, desplazamenduetan jendetza biltzea saihestea eta garbiketa eta higiene neurriak hartzea.
Eusko Jaurlaritzak ohartarazi du erakundeek ez dutela antolatuko edo babestuko aipatu neurriak bermatzerik ez duen ekitaldi, ekimen, ikuskizun edo jairik.
Bileran, foru aldundiek eta udalek euren ekarpenak egin dizkiote Eusko Jaurlaritzaren planari, eta honek datorren astelehenean erantzuteko konpromisoa hartu du.
Aipatu neurriak hainbat kultur zentrotan eta jaialditan hartu beharko dira, hala nola, museoetan, erakustaretoetan, jaialdi handietan, kirol jardueretan, jaietan, hondartzetan, igerilekuetan, parkeetan, gazte eta umeei zuzendutako ekintzetan, liburutegietan, ikasgeletan, liburu azoketan, ekimen erlijiosoetan, zinemetan, antzokietan, kaleko emanaldietan eta txosnetan.
Irizpide horiek kulturaren eta kirolaren sektoreetako ordezkariekin konpartituko dira, protokoloak elkarlanean adosteko. Horrela, esparru jakin bakoitzerako protokolo propioak landu nahi dituzte, osasuna bermatu eta laneko arriskuak prebenitzeko.
Eusko Jaurlaritzak azpimarratu duenez, irizpide horiek aldiro aztertuko dituzte eta koronabirusaren pandemiaren bilakaeraren arabera eguneratuko dituzte.
Zure interesekoa izan daiteke
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.