10 urtez Oscar Sarien galetatik kanporatu du Will Smith Hollywoodeko Academiak
Hollywoodeko Akademiak erabaki du 10 urtez antolatuko dituen ekitaldi guztietatik kanporatzea Will Smith aktorea, Oscar Sarien galak barne, Chris Rock umoristari eman zion zaplastekoagatik. Smithek, berriz, betoa "onartzen" eta "errespetatzen" duela erantzun du.
Akademiak ohar batean adierazi duenez, azken Oscar Sarien galak "ospakizuna" izan behar zuen, baina Smitchek erakutsitako jarrera "onartezin eta kaltegarriak" baldintzatu zuen. "Ez genuen erantzun egokia eman [horren aurrean], barkamena eskatzen dugu", gaineratu du.
Gainera, egoera horretan neurriz jokatu izana eskertu dio Chris Rocki.
Oharrak ez du zehazten aktorea sariak jasotzeko izendapenetarako hautagarri izan daitekeen.
Aktoreak, bestalde, ohar labur batean jakitera eman du "Akademiaren erabakia onartzen eta errespetatzen" duela.
Erakundetik behin betiko kanporatzea zen mahaigainean zegoen beste zigorretako bat, baina berehala baztertu zuten, Smithek berak uko egin baitzion joan den astean Akademiako kide izateari.
Duela astebete, aktoreak Akademia utziko zuela iragarri zuen, Oskar sarien 94. edizioan izandako jokaera "harrigarri, mingarri eta barkaezintzat" jo ostean.
Zure interesekoa izan daiteke
Dena prest Cannesen, pantailak dirdiraka hasteko
Peter Jackson eta Barbra Streisand omenduko dituzte, eta izen handiak daude Sail Ofizialean: Almodovar, Farhadi, Pawlkowski, Sorogoyen, Kore-eda, Mungiu...
Fabio Testi aktore italiarrak Ohorezko Fant saria jasoko du
Larunbatean, fantasiazko zinemako jaialdiaren amaiera galan, jasoko du aktoreak beldurrezko eta fantasiazko generoetan nabarmendu den profesionalentzako saria.
Jules Mamonek "bestetasun, singulartasun eta munstroaren figuraz" jantzi du Zinegoaken kartela
LGTBIQ+ Zinema eta Arte Eszenikoen Bilboko Jaialdiak 23. edizioaren irudia aurkeztu du. “Bestea deitu duten hori eztabaidaren erdian” jarri nahi du Zinegoakek.
ICOFF film laburren Gasteizko jaialdiak 50 lan eskainiko ditu egoitza berrian, Arkabian
Ofiziala atalak 30 lan emango ditu; Bagare euskal filmen atalak, zazpi, eta Nazioartekoak, hamahiru. Azken horretan saria emango dute lehenengoz.
Ikusi primizian “Cada día nace un listo” filmaren aurrerapena
Arantxa Echevarria zuzendariaren (“Carmen y Lola”, “Chinas”, “La infiltrada”) akziozko komedia beltzak EITBren parte hartzea du, eta ekainaren 5ean iritsiko da zinema aretoetara. Satira honetan, “pikarokeria, anbizioa eta itxurakeria” azaltzen dira, eta antzeztaldean daude Hugo Silva, Susi Sánchez, Dafne Fernández, Markos Marín, Marina Ostolaza, Javier Tolosa eta Sofía Otero.
Zinema jendaia Bizkaia Zubitik zintzilika
Hantuste eta txulo agertu da "¿Cómo hemos llegado a esto?" filma Euskal Herriko bizpahiru pantailatan, izenburu ezin aproposagoarekin.
Javier Ginerrek urriaren 30ean estreinatuko du bere lehen film luzea
Esta soledad pelikulan, barakaldar zinemagileak, Yo adicto serie sarituaren egileak, “anabasaren eta bakardadearen samurtasun basatiz bizirauten duten bi gazte” irudikatu ditu.
FANTek "Bajo tus pies" filma estreinatuko du
Fant Bilbao zinema jaialdiaren 32. edizioa maiatzaren 8tik 16ra izango da, baina, aurretik, Bajo tus pies Cristian Bernard zuzendariaren film luzea emango du astelehen honetan; Urko Olazabal eta Sofía Otero aktoreek parte hartzen dute, eta beraiekin hitz egin dugu, eta Ibai Atanes eta Maribel Verdú ere ageri dira antzeztaldean.
“Sucia” eta “Black water” sarituko ditu Giza Eskubideen Zinemaldiak
Bàrbara Mestanza eta Marc Pujolarren dokumentalak film luze onenaren Ikusleen saria jasoko du, eta Black water Natxo Leuzaren lanak Amnesty International saria. Gaur bukatuko da jaialdia, eta Imanol Uribek ohorezko saria jasoko du.
Imanol Uribe: "Intolerantziaren aurkako borrokak gidatu nau"
Euskal zinemagileak, La fuga de Segovia, La muerte de Mikel, Días contados eta El rey pasmado filmen egileak, Donostiako Giza Eskubideen Zinemaldiaren sari berezia jasoko du ostegun honetan, "errealitateari atxikia" duen zinemari esker.