Zinemaldiak ere itzuli nahi du normaltasun zaharrera
"Normaltasun berria" izen gezurtiarekin hitzetik hortzera ibili zen ilusio hori (oraingoz) desagertuta, "normaltasun zaharrera" -hots, ohikora, normaltasunera- itzuliko da Donostiako Zinemaldia gaur, ostiralarekin, hasi eta datorren larunbatera arte. 2019tik lehenengoz, areto beteak eta harridura, beldurra eta barregura adierazten dituzten keinuak ikusiko ditugu zinemetan eserleku hutsen barrerarik gabe.
70 urte beteko ditu Donostiako zinema jaialdiak aurten, eta bi izar handik argituko dute, besteak beste, topagunearen edizio biribil hau. Hain zuzen ere, Juliette Binoche frantses aktoreak eta David Cronenberg kanadar zuzendariak edizio honetako Donostia sariak jasoko dituzte, igandean (22:00) eta asteazkenean (22:30) hurrenez hurren, eitb.eus-ek eta ETBk zuzenean eskainiko dituzten galetan.
Euskal zinema
Urrezko eta Zilarrezko Maskorren bidean, Sail Ofizialean, bi euskal film ikusi ahalko dira aurten, bata, katalanez eta bestea, gaztelaniaz: Suro Mikel Gurrearen lehen film luzea eta La consagración de la primavera euskal koprodukzioa. Azken drama horrek Telmo Irureta du protagonista, eta bi filmek ETBren parte-hartzea dute. Horiez gain, izen ezagunak izango dira sail nagusian, hala nola Jaime Rosales, Pilar Palomero, Ulrich Seidl (polemika zabaldu duen Sparta filmarekin), Sebastian Lelio, Hong Sangsoo…
Euskal zinema beste sail askotan ere izango da, esaterako, New Directorsen (A los libros y a las mujeres canto Maria Elorzaren dokumentala), Zabaltegi Tabakaleran (Cuerdas Estibaliz Urresolaren film laburra eta Hirugarren koadernoa Lur Olaizolarena) eta Belodromoko emanaldietan, azken hori, Black Is Beltza 2: Ainhoa Fermin Muguruzaren animaziozko pelikularen eskutik, irailaren 23an.
Horiez gain, El vasco (Jabi Elortegi), Cinco lobitos (Alauda Ruiz de Azua), 918 gau, Bi arnas (Jon Mikel Fernandez), Gesto (Xuban Intxausti), Karpeta urdinak (Ander Iriarte), My way out (Izaskun Arandia), Contadores (Irati Gorostidi), Fe (Maider Fernandez), Hemen bizi da maitasuna (Ainhoa Olaso eta Enara Garcia), Irrits (Maider Oleaga), Lanbroa (Aitzol Saratxaga) euskal filmak ere ikusi ahalko dira hurrengo larunbatera arte Donostiako zinema aretoetan, baita Erro bi (Nagore Muriel) eta Noizko basoa (Mikele Landa) ere Nest zinema ikasleen atalean.
Izarren dirdira
Ohi bezala, ez da faltako izen handirik Donostiako Zinemaldian, eta, okerrik ezean, gure artean izango ditugu, alfonbra gorrian hara-hona, Penelope Cruz, Ricardo Darin, Diane Kruger, Noemie Merlant, Liam Neeson, Olivia Wilde, Dardenne anaiak, Claire Denis, Carla Simon, Neil Jordan eta abar.
Azken egunean ikusi ahalko den film sorpresa ere, halaber, izen handi baten eskutik iritsiko da Zinemaldira, Jose Luis Rebordinos zuzendariak EITBri aurreratu dionez.
Galak zuzenean EITBn
Ohi bezala, EITBk jarraipen zabala egingo dio Donostiako Zinemaldiari webgunean, irratietan eta telebistan. Elkarrizketa, kritika, erreportaje, bideo eta argazkiak ugari izango dira, eta galak zuzen-zuzenean jarraitu ahalko dira, irekiera-itxieretakoak, Donostia saria ematekoak eta Euskal Zinemaren Gala.
Zure interesekoa izan daiteke
Punto de Vistak 90 pelikula eskainiko ditu 20. urtebetetzea ospatzeko
Film dokumentalen Iruñeko jaialdiak 66 emanaldi prestatu ditu, apirilaren 20tik 25era emateko. EITBk film labur onenaren saria emango du, eta Ziarraize eta Kukuaren kanta lanak dira, besteak beste, horretarako hautagai.
Apika Labek bultzatuko dituen ikus-entzunezko sei proiektuak hautatu dituzte
Euskal ikus-entzunezko lanei zuzendutako babes eta laguntza programa publikoak Pedro Fuentes, Tamara García Iglesias, Aitor Azurki, Alvaro Arbina eta Joana Moyaren azken lanak bultzatuko ditu.
Ia milioi bat ikusle izan dira urteko lehen hiruhilekoan EAEko zinema aretoetan
“Torrente presidente” izan da film ikusiena tarte horretan, martxoaren 13an estreinatu bazen ere. “La asistenta”, “Avatar: Fuego y ceniza”, “Hamnet” eta “Cumbres borrascosas” pelikulek osatzen dute bost ikusienen zerrenda.
Bero egiten du Laponian
Zinemara goazen bakoitzean, hitzarmen bat sinatzen dugu pelikularekin: engaina nazazu gozoki, prest nauzu.
Silver Film Festivalek Elena Irureta omenduko du
Jaialdiaren laugarren edizioa apirilaren 20tik 24ra egingo dute, Bilbon, eta 16 filmen proiekzioa, solasaldiak eta hitzaldiak antolatu dituzte. Maiatasuna eta sexua adinari begiratu gabe bizitzeko gonbita egingo du, bost egunez.
"Itzalak argitzen": Euskal zinemaren lau klasikoren zaharberritze prozesua erakusten duen dokumentala
Koldo Almandozek eta Gorka Bilbaok Itzalak argitzen dokumentala ondu dute, 80ko hamarkadaren erdialdean ekoitzitako lau film ertain zaharberritzeko prozesua dokumentatu ostean: Hamaseigarrenean, aidanez (Anjel Lertxundi, 1985), Zergatik panpox (Xabier Elorriaga, 1985), Ehun metro (Alfonso Ungria, 1985) eta Oraingoz izen gabe (Jose Julian Bakedano, 1986). Euskadiko Filmategiaren Euskal Zinema zikloan estreinatuko da.
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.