Zinegoak, 20. urteurrena ospatzeko irrikaz
Zinegoak Bilboko LGTBIQ+ zinema eta arte eszenikoen jaialdia ekainean egingo dute aurten lehen aldiz, hilaren 23tik uztailaren 3ra hain zuzen ere, "jai eta aldarrikapen giroan".
Alaitz Arenzana jaialdiko zuzendariaren hitzetan, edizio honetan "Zinegoakek identitate aldakorretan jarri du arreta, generoa aldatzeko eta deskubritzeko lekua dela ulertuta".
Film luzeen sail ofizialean, nazioarteko 16 lan lehiatuko dira jaialdiko ohiko hiru sailetan: FIK, DOK eta KRAK (narratiba berriak). "Programazioaren bidez, gai hauek jorratu nahi izan ditugu: esnatze sexuala, norberak bere burua ezagutzea (Lobo e Cão, Something You Said Last Night), gure gorputzekiko gozamena (Fierce a porn revolution), sorlekura itzultzea (Liube), memorien artxiboa (Casa Susanna, Anhell69), zapalkuntzaren egitura hegemonikoak ezabatzeko borroka (Wildhood, Who Im not) edo beste mundu batzuk erakusteko eta pentsatzeko ilusioa (Alteritats, De noche los gatos son pardos)".
Sail ofizialean lehiatuko diren 25 film laburrei dagokienez, "Haurtzaroa eta nerabezaroa" eta "Emakume zuzendariak" ohiko zikloez gain, Zinegoakek bi ziklo berri izango ditu: "Lotura primarioak" eta "TBIQ+".
Gainera, lehiaketa ofizialetik kanpo, "Erroak" ziklo klasikoa izango da, Euskal Herrian ekoitzitako hainbat film laburrekin.
Zinema baino gehiago
Jaialdia ekainaren 26an hasiko da, Arriaga antzokian, eta Angeles Cruz zuzendari mexikarrak Zinegoak 2023 Ohorezko Saria jasoko du bertan.
Aldez aurretik, ekainaren 23tik 25erako asteburuan, "3, 2, 1... Zinegoak!" aurrejaialdia ospatuko dute: Nina Menkes zinemagilearen lanen proiekzioa, Queer (Un) Belongings emanaldia eta Gure garaian Dantzertik eta Musikenek bultzatutako antzezlanaren estreinaldia…
Proiekzioez gain, Zinegoakek hainbat jarduera osagarri ere antolatuko ditu ekaineko azken astean, hala nola Identitarteak Gilkitxaro konpainiaren antzezlanaren emanaldia (La Fundición), Esaiozu X antzezlan eszenikoa, My way out Izaskun Arandiak zuzendutako dokumentalaren aurkezpena eta Angeles Cruzen atzera begirako bat.
Ekainaren 28an, arratsaldez, nolanahi den, Zinegoakek ez du jarduerarik programatu, Ekainaren 28ko Koordinakundeak antolatutako manifestaziora joateko helburuarekin.
Jaialdiaren amaiera ekitaldia uztailaren 3an, astelehenarekin, egingo dute, Bilborocken, eta hogeigarren edizio honen palmaresa iragarriko dute bertan.
Zure interesekoa izan daiteke
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.
ZUZENEAN: Zinegoak jaialdiaren amaiera gala
Mikel Rueda “Boga” seriea zuzentzen ari da EITBrentzat
Sei ataleko seriea Mikel Santiagok eta Txemi Parrak sortu dute, eta Mikel Losada eta Iraia Elias ditu protagonista. Primeran EITBren plataforman egongo da ikusgai.
Haurtzaroari begira jarri da Marina Palacio "Y así seguirán las cosas" filmean
Euskal zuzendariak haurtzaroari eta despopulazioari buruzko istorio bat kontatuko du bere lehen film luzean. Aitarekin batera idatzi du, eta sei urtean filmatuko dute, Palentzian.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.