Libanoko errealitateak, Zinegoak 2023ko sarien protagonistak
Zinegoak Bilboko LGTBIQ+ zine eta arte eszenikoen jaialdiak edizio honetako sariak banatu ditu astelehen honetan. Film luze eta laburrik sarituenen kasuan Libanoko errealitateak izan dira protagonista nagusiak. Era berean, Zinegoakeko palmaresean nabaria da emakumeen presentzia, bederatzi saritik seitan irabazleak emakumeak direlako.
EITB taldearen babesa duen Zinegoak Sari Nagusia (4.000 euro) 'Sirens' dokumentalarentzat izan da, Rita Baghdadi zuzendariarena. Epaimahaiaren ustez, "erregimena erori ostean sortu diren disidentzien ispilu" da ekoizpena. Era berean, DOK kategoriako saridun nagusia izan da, baina epaimahaiak aipamen berezia egin dio Juliaca Carik zuzendutako 'Uyra, a retomada de floresta lanari', "ikuspegi dekolonialetik filmatzen duen testuinguruarekiko kosmobisio iragazkorra erakusteagatik".
FIK sailari dagokionez, Julia Muraten 'Regra 34' filmak irabazi du, eta narratiba berrien KRAK sailean, Theo Montoyaren 'Anhell69' lanak jaso du saria.
Publikoaren saria, 1.000 eurokoa, Dania Bdeiren 'Warsha' film laburrarentzat izan da, azken astean zinemaldiko aretoetara joan direnek euren botoekin emandakoa. Lan honek Senior Epaimahaiaren saria ere irabazi du.
Gazte epaimahaiak, bestalde, Isa Luengo eta Sofia Esteve Santojaren 'Perpetua felicidad' film laburra saritu du, "islatzen duen istorioagatik eta naturaltasunagatik". Paco Ruizen 'Desviación Típica' lanarentzat izan da euren aipamen berezia.
Aniztasun eta Giza Eskubideen epaimahaiak Tünde Skovranen 'Who I Am Not' film luzea saritu du, "oraindik oso ikusezina den sexu arteko disidentziaren bi bide desberdin eskaintzen dituelako". Halaber, aipamen berezia egin dio 'Uyra: a retomada da floresta' lanari, "estetika eder eta barearekin erakutsi duelako trans identitate ez-binarioaren eta periferiako gorputz-lurraldearen defentsaren arteko elkargunea".
Lesbianismoaren eta Generoaren sariari dagokionez (1.500 euroko balioa du eta Bilboko Udaleko Berdintasun Arloak babesten du), saria 'Casa Susanna' lanarentzat da, Sébastien Lifshitzena (Zinegoak 2021eko ohorezko saria). Horrez gain, aipamen berezia egin nahi izan diote Tünde Skovran zuzendariaren 'Who I Am Not' filmari.
Interpretazioaren profesionalek Fikziozko Film Luzeetan Protagonistaren Interpretazio Onenaren saria ere eman diote Sol Mirandari ('Regra 34'), "unibertso oso desberdinak maisuki lantzeagatik". Antzezpen Sekundariorik Onena, berriz, 'Mutt' filmeko Alejandro Goicentzat, "bere begirada samur eta egiazkoarekin hunkitzeagatik".
ZG/PRO WIP saria Egoitz Arbiol Albeniz eta Ibai Fresnedoren 'Armairutik plazara' proiektuarentzat izan da, Hiruki Larroxa Kooperatibak ekoitzia.
Behin 20. edizioa amaituta, sail ofizialeko film batzuk Filmin plataforman gozagai izango dira uztailaren 5era arte. Horrez gain, beste hainbat lan ere ikusi ahal izango dira; Angeles Cruz ohorezko sariari buruzko atzera begirakoa, 20. urteurrenari buruzko ziklo berezia eta euskarazko O.S. zikloa, besteak beste.
Zure interesekoa izan daiteke
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.
Ricardo Darin argentinar aktorea izango da Donostiako Zinemaldiaren ikurra
2017an Donostia saria jaso zuen aktorearen argazkia ageri da Zinemaldiaren 74. edizioaren kartelean.