Jessica Chastain izango da Zinemaldiko izar handia
Jessica Chastain estatubatuar aktorea Donostiara itzuliko da Zinemaldiko izar handiena izateko. Izan ere, Hollywoodeko aktoreen grebak murriztu egin du Gipuzkoako hiriburura etortzekoak diren izarren zerrenda.
Chastain 2021ean izan zen Zinemaldian azkenekoz (2014an ere etorri zen), eta orduan Zilarrezko Maskorra lortu zuen The Eyes of Tammy Faye filmarekin.
Aurten, Perlak atalean eskainiko duten Memory lana aurkeztera etorriko da. Hain zuzen ere, asteazkenean (hilak 27) egingo du aurkezpena, Victoria Eugenian, Michel Franco zuzendariarekin batera.
Chastain ez da izango Zinemaldiko izar bakarra. Besteak beste, ondokoak ere izango dituzte zain sinaduren bildumazaleek: Juliette Binoche, Mads Mikkelsen, J.A. Bayona, Laia Costa, Sandrine Bonnaire, Gabriel Byrne, François Cluzet, Emmanuelle Devos, Griffin Dunne, Aidan Gillen eta Miles Heizer.
Dena dela, hutsuneek baldintzatu egingo dute aurtengo edizioa halabeharrez: Hollywodeko grebak galarazi egingo dio Javier Bardemi Donostia Saria jasotzea (2024an egingo du), eta Hayao Miyazaki zinemagile japoniarrak modu birtualean hartuko du golardoa, Tokiotik.
Azken asteetan, Jose Luis Rebordinos Zinemaldiko zuzendariak ohartarazi izan du aurtengo edizioak distira gutxiago izan dezakeela Hollywoodeko izarren gabeziagatik (Jessica Chastain salbu, noski). Dena dela, lekukoa Europako zinemako hainbat izen handik hartuko dute.
Zure interesekoa izan daiteke
Haurtzaroari begira jarri da Marina Palacio "Y así seguirán las cosas" filmean
Euskal zuzendariak haurtzaroari eta despopulazioari buruzko istorio bat kontatuko du bere lehen film luzean. Aitarekin batera idatzi du, eta sei urtean filmatuko dute, Palentzian.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).