Urrezko Maskorra eta beste sariak gauean ezagutaraziko dira, Kursaalen
Donostiako Zinemaldiak amaiera emango dio ametsez eta errealitatez betetako bederatzi eguneko aste luzeari. Sail Ofizialeko filmek, aurten bereziki, zapore ona utzi dute bertaratutakoen eta zinema kritikarien artean.
Itziar Ituñok eta Malcolm Treviño-Sittek aurkeztuko dute itxiera gala, 21:00etatik aurrera, Kursaalen. Bertan emango dituzte ezagutzera zeintzuk diren aurtengo edizio honetako pelikula irabazlea eta sari garrantzitsuen jabeak.
Gauera arte itxaron beharko da, baina ikusleen eta kritikarien artean faborito batzuen izenak entzun dira astean zehar.
Horietako bat da On falling, Laura Carreirarena. Zuzendari portugaldarra Edinburgon bizi da, eta filmeko protagonista Eskozian bizi den langile portuges bat da. Kapitalismoak ezarritako indibidualismoa eta bakardadearen erretratu gordin honetan, Ken Loach gizatiar bat datorkigu burura, eta gehiengoa konbentzitu du.
Euskal protagonismoa duen Los destellos pelikula ere kinieletan agertzen da. Pilar Palomerok zuzendu du, eta Patricia Lopez Arnaiz du protagonista. Dolua eta beti feminizatuta agertzen diren zainketak jartzen ditu kontakizunaren erdigunean. Eider Rodriguezen istorio batean oinarrituta dago, eta sariak irabazteko merituak egin ditu.
Zalantza gehiagorekin hasi zen Albert Serra zuzendari kataluniarraren Tardes de soledad, tauromakiari buruzko lan polemikoa. Hala ere, proiekzioaren ostean, ahots gehienek amore eman zuten errealitatearen ariketa ikaragarriaren aurrean. Ez du inor epel utzi.
Era berean, ez dira ahaztu behar iruzkin positiboak eragin dituzten beste lan batzuk: Edward Bergerren Conclave Vatikanoko thrillerra, eleberri batean oinarritua, eta François Ozonen zigilua duen Quiand vient l 'automne.
Sari guztiak Jaione Camborda buru duen Epaimahai Ofizialaren esku daude orain. 21:00etatik aurrera argituko dira eitb.eus-en eta ETBn ikusgai izango den galan.
Albiste gehiago zinema
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.