Zinemaldirik euskaldunena abian da Donostian
Esther Garciak Kursaalen jaso du ekoizle bati eman dioten lehen Donostia Saria, Silvia Abril, Toni Acosta eta Itziar Ituño aktoreek aurkeztu duten inaugurazio galan. Palestinarekiko elkartasuna nabaria izan da.
Gaurtik aurrera, zinemak Donostiako pantaila guztiak hartuko ditu, eta inoiz baino euskal eta euskarazko ekoizpen gehiago izango dira aurten. Zinemaldiaren inaugurazio ekitaldia aurtengo edizioko lehen ohorezko saria emateko ere balio izan du, eta zinemaren munduaren erdigunean jarri du Gipuzkoako hiriburua astebetez.
Gaurtik hilaren 27ra arte, 29 zinema-aretok 254 ekoizpen proiektatuko dituzte (179 film luze, 7 film ertain, 63 film labur eta 5 serie); guztira, 666 proiekzio, zinemaren magiak deabrutzea nahi duenaren gozagarri.
Pelikula guztien artean, euskaldunek presentzia handia izango dute, bereziki Sail Ofizialean. Karmele (Asier Altuna), Zeru ahoak (Koldo Almandoz) seriea eta Maspalomas (Jose Mari Goenaga eta Aitor Arregi) euskarazko lanak proiektatuko dituzte bertan, azken hori lehian, baita Los domingos Alauda Ruiz de Azua barakaldarrak idatzi eta zuzendutako hirugarren film luzea eta Un fantasma en la batalla eta Los tigres euskal ekoizpenak ere.
Itziar Ituñok, Silvia Abrilek eta Toni Acostak aurkeztu dute gala. Elkarrekin, emakumezko aktoreentzako castingak nolakoak diren irudikatu dute, umorez.
Donostia Saria jaso duen lehen ekoizlea
Pedro eta Agustin Almodovar anaiek Donostia Saria eman diote El Deseo ekoiztetxeko "amari", Esther Garcia lankideari. Zuzendari espainiarrak nabarmendu duenez, Garciak oso ondo moldatzen jakin izan zuen, ezker eskuarekin bere autoritatea inposatuz, gizonez betetako ekoizpen zinematografikoaren munduan.
Ekoizle espainiarrak, Zinemaldiaren aintzatespenaz harro, bere gurasoak izan ditu gogoan: "patata-tortilla bat bezalako plazer xumeez gozatzen genuen bitartean, haien istorioak, txikiak bezain apartak," entzuten zituen. Bizimodu hori izan da beti bere bizitzako erreferentea, baita pelikula baten erantzukizun osoa bizkar gainean hartzen duenean ere.
Aldarrikapen gisa, Pilar Miro eta Josefina Molina emakumezko ekoizleak gogoratu ditu, eta soldata arrakala eta genero indarkeriarekin amaitzeko eskatu du, baita Gazako Zerrendako genozidioaren kontra egin ere. "Hortzak estuturik borroka dezagun zaurgarria defendatzeko. Denok gara zaurgarriak", esan du.
Esther Garcia ekoizleak Donostia Saria jaso du
Segovian jaiotako ekoizleak Agustin eta Pedro Almodovar anaien eskutik jaso du saria, haiekin egin baitu lan bere ibilbide profesionalaren zati handi batean. Hitzaldian, Ukrainan eta Gazan egun duten indarkeria gaitzetsi, eta eskubideen defentsa sutsua egin du, batik bat emakumeen eskubideena.
Bayonaren zorroztasuna eta errespetua
J. A. Bayona buru duen epaimahaia artudaruko da jaialdiko saririk garrantzitsuenak erabakitzeaz. Bere hasierako hitzaldian, Sail Ofizialeko filmak baloratzean epaimahaikide guztiek zorroztasuna, errespetua eta eskuzabaltasuna erakutsiko dituztela agindu du.
Juan Antonio Bayona buru, zinemako zazpi profesionalek osatzen dute Zinemaldiko epaimahaia
Zinemaldiko Sail Ofizialean lehiatuko diren 17 filmen artean aukeratu beharko du epaimahaiak. "Zarata eta haustura garai zalantzagarri hauetan", zinema "inoiz baino beharrezkoagoa" dela defendatu du Bayonak irekiera ekitaldian.
Aste luze honetan datorkigun guztiaren aurkezpen gutun gisa balio duen galan, Cayetana Guillen Cuervo Espainiako Arte Eszenikoen Akademiako presidenteak Marisa Paredes aktoreari omenaldi polita egin dio, Zinemaldiaren izenean.
Gainera, Izarok "Argia" abestu du eta 27 noches argentinarra aurkeztu dute; Zinemaldiaren inaugurazio ofiziala eman dion filma, hain zuzen.
Nazioarteko prentsa zinematografikoak beste sari bat eman dio Ainda estou aqui brasildarrari. Perlak sailean ikusi ahal izango da. Walter Salles zuzendariak jaso du saria.
'Ainda estou aqui' pelikulak jaso du Fipresci saria Zinemaldiaren irekiera galan
Zineman espezializatutako kazetariek ematen dute saria, eta Brasilgo ekoizpen hori aukeratu dute 2025ean. Walter Salles zuzendariak jaso du saria, Kursaal Jauregian.
Manifestariz inguratuta egon den alfonbra gorritik hasita, aurkezleek, sarituek, Almodovar anaiek eta Juliette Binochek (bahitu israeldarrak ere gogoan izan ditu) Palestinaren min jasangaitza aipatu dute.
Palestinaren eta Israeli boikota egitearen aldeko oihua Zinemaldiko alfonbra gorrira iritsi dira
Jende asko bildu da Kursaal aurreko alfonbra gorriaren ondoan, Zinemaldiaren inaugurazio ekitaldiaren aurretik, Palestinari elkartasuna adierazteko eta Israel egiten ari den genozidioa salatzeko. Zinema-mundua Palestinaren alde agertu da, Jose Luis Rebordinos Zinemaldiko zuzendaria tartean.
Zure interesekoa izan daiteke
EZAEk Zinemaren Euskal Festa ospatuko du larunbat honetan
Ekimenak publikoarekin loturak indartzea eta zinema-aretoen balio kulturalaren aitortza bultzatzea du helburu. Sarrera guztiak 3 euroko prezio sinbolikoan eskainiko dira.
Ikusi primizian "El mal" Bajo Ulloaren film berriaren trailerra
EITBren parte hartzea duen filmean, inoizko hiltzaile handienari buruzko liburu bat idazteko proposamena jasoko duen kazetari baten istorioa kontatzen du Juanma Bajo Ulloa zinemagile gasteiztarrak.
Odola! Odol gehiago!
Telebista-emankizun batentzako kamerak har dezaken horretatik harago doaz beti Albert Serraren eta Imanol Rayoren objektiboak, errealitateak ezkutatzen duen ‘egia’ horren bila. Eta ez egia biribila, osoa, aldaezina den hori, baizik eta gauzen, gizakion, bizidunen, momentuen esentzia dardartia gordetzen duena.
Oscarren banaketa ekitaldia Youtuben ikusi ahal izango da 2029tik aurrera
Hollywoodeko Akademiaren eta bideo plataformaren arteko akordioa 2033ra artekoa da gutxienez.
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.