ANren erabakiak aitzakiagabeak direla esan du Gomez Bermudezek
Javier Gomez Bermudez magistratuak gaur esan duenez, Auzitegi Nazionalaren Zigor Aretoak azken asteotan 'Parot Doktrina'ren harira hartutako erabakiek ez dute aitzakiarik. Dena dela, 'Parot Doktrina' "bidezko neurria" dela defendatu du. Atzo bertan, Estrasburgok doktrina honen inguruan hartutako epaia kontuan hartuta, 15 preso kaleratzeko agindua eman zuen ANk.
'Parot Doktrina'ren bultzatzaileetako bat izan zen Gomez Bermudez, eta gaur goizean, Amaia Izko Ines del Rio preso oiharen abokatuarekin batera, espetxe eta justizia arloko topaketa batzuetan hartu du parte, Donostian, Gipuzkoako Abokatuen Eskolak antolatuta.
Gomez Bermudez eta Izco 'Parot Doktrina'z aritu dira, luze eta zabal. Hain zuzen, Gomez Bermudez izan zen neurri hau ezarri zuen lehenengoetako epailea, eta Izco berriz, doktrina hau Estrasburgoraino eraman zuen presoaren abokatua. Azkenean, Estrasburgok bertan behera utzi zuen neurria. Eztabaida bizia izan da, muturreko bi jarrera aurrez aurre jarrita, baina biak ala biak, errespetuz aritu dira hizketan, neurriaren legezkotasunaz eta garapenaz.
Magistratuak behin eta berriz defendatu du 'Parot Doktrina', baina Estrasburgoko ebazpena berehala ezartzearen alde agertu da. Hala, Auzitegi Nazionalak presoak kaleratzeko hartu duen erabakiari egokia deritzo. Gomez Bermudezen iritziz, ebazpena ‘errespetatu’ egin behar dela esatea "tontakeria" bat da, "ebazpenak ezarri egin behar dira, eta listo".
Epaileek, urtetan, 1973ko Zigor Kodearen gainean egindako "irakurketa oker" bat zuzendu baino ez zuten egin 'Parot Doktrina' onartu zutenean, magistratuaren aburuz. Ildo horretan, Estrasburgoko Giza Eskubideen Auzitegiak bere ebazpenean oinarri bezala hartzen dituen gertakariak "faltsuak eta okerrak" direla gaineratu du.
Zure interesekoa izan daiteke
Segurtasunaz gehiago eta eskumenez gutxiago arduratzeko gomendatu dio PPk Zupiriari
PPren Legebiltzarreko bozeramaileak deitoratu duenez, sailburua "ez dago egon behar duen horretan", eta "segurtasunaz eskumenez baino gehiago kezkatuko balit", bere ustez, "polizia hobeto hornituta egongo litzateke".
Ceutara legez kanpo iritsi diren herritarrak berehala Marokora itzularaziko ditu Espainiako Gobernuak
Milaka pertsonak zeharkatu dute gaur Marokotik Ceutarako muga, kontrolik gabe. Horietako asko, Tarajal ingurutik sartu dira, batzuk igerian eta beste batzuk kostaldetik oinez.
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.
EH Bilduren arabera "kezkagarria da" hainbat erakundek hizkuntza eskakizunetan "atzera egitea"
Koalizio abertzaleak azaldu duenez, Gipuzkoako Foru Aldundiak azken Lan Eskaintza Publikoan hizkuntza eskakizuna egiaztatu duten plazen kopurua % 89tik % 66ra murriztu du, eta Bizkaiko Foru Aldundiak, berriz, % 85etik % 54ra.
Transferentziez hitz egiten segitzen dutela esan du Ubarretxenak eta uda ostean "zorte hobea" izatea espero du
Maria Ubarretxena Gobernantza, Administrazio eta Autogobernu sailburuak Radio Euskadin egin dioten elkarrizketan azaldu duenez, akordioek sakonak izan behar dute Bitariko Batzordea biltzeko.