Kontsultarako txartelak preso batzuek egingo dituztela salatu du PPCk
Kataluniako herri-galdeketarako boto-paperak diseinatzeko eta inprimatzeko “presoak erabiltzea” egotzi dio Kataluniako Alderdi Popularrak (PPC) Artur Masen Gobernuari. Kataluniako Gobernuak horren berririk ez duela erantzun dio Alderdi Popularrari.
Parlamentuko kontrol saioan, Dolores Lopez Aguilar PPCko ordezkariak Gemma Gordo Justizia arduradunari kontsultarako boto-paperen inguruan galdetu dio: Lleidako birgizarteratze zentroko presoek txartel horiek diseinatu eta inprimatu behar dituzten galdetu dio Justizia kontseilariari.
“Legez kanpo” egingo duten galdeketari begira presoak “erabiltzea” egotzi dio PPCko diputatuak Exekutiboari, eta preso horiei prozesu horretan “parte hartu nahi duten” aurretik galdetu ez izatea ere gogor kritikatu du Lopez Aguilarrek.
Erantzuteko txandan, Kataluniako Gobernuaren Justizia arduradunak esan du ez duela horren berririk, baina birgizarteratze zentroek hainbat enkargu onartzen dituztela azpimarratu, administrazio batena zein alderdi politiko batena izan.
“Zure alderdiak enkargu bat egin nahi badio, prezio onean egingo dizute”, esan dio Gordok PPCko ordezkariari.
Haserre, Gordok azpimarratu du Lopez Aguilarrek “oso hitz potoloak” esan dituela. “Gaia oso modu desegokian jorratu duzu”, esan dio.
Albiste gehiago politika
Gazarako beste martxa bat "bideraezina" dela uste du Podemos Euskadik, baina beste aukera batzuk aztertzen ari dira
Martxa Globalean parte hartu zuten Maite Gartzia (koordinatzailearen ondokoa) eta Alberto Villarreal (Osasun arduraduna) ekintzaileek Egipton bizi izandako egoeren berri eman dute. Espainiak Egipton duen enbaxadorearen jokabidea kritikatu dute, martxara ez zutela joan behar esan baitzien.
Martinez: "Gaur egun garrantzitsua da osasun sistema publikoa eraldatzeko"
Alberto Martínez Eusko Jaurlaritzako Osasun sailburuak Osasun Itunaren mahaiaren bileraren garrantzia azpimarratu du. Bertan, onkologia, osasun mentala eta lehen mailako arreta bezalako arloei buruzko 24 dokumentu estrategiko onartuko dira. Martinezek azpimarratu du topaketa honek hirugarren lan-fasearen amaiera markatzen duela eta eragileen konpromisoa bilatzen duela itunaren ebaluazioan eta garapenean aurrera egiten jarraitzeko.
Euskal osasun sistemaren etorkizunari babes "sendoa eta irmoa" eman zaiola azpimarratu du Osasun sailburuak
EAEko osasun sistemaren etorkizuna diseinatuko duten ildo estrategikoen 24 dokumentuak onartu ditu ostiral honetan Osasun Itunaren Mahaiak. "Dokumentu bakar bat ere ez da aurrera ez egiteko arriskuan egon. Hirugarren fase honen babesa sendoa eta irmoa da", esan du Alberto Martinez Eusko Jaurlaritzako Osasun sailburuak.
EAJk eta EH Bilduk eserleku kopuru bera lortuko lukete Eusko Legebiltzarrean; jeltzaleak bost puntu daude gainetik
Bi alderdiek 28 eserleku lortuko lituzkete, eta PSE-EEk 11. Gauzak horrela, EAJk eta PSE-EEk osatzen duten koalizioak gehiengo absolutuari eutsiko lioke. Abstentzioa % 41ekoa izango litzateke, 2025eko ekaineko Euskal Soziometroaren arabera.
EH Bilduk Osasun Itunaren 11 ildo estrategikoren alde bozkatuko du, 8ren aurka eta 5 puntutan abstenitu egingo dira
Euskadi Irratiko Faktoria saioan eman du horren berri Arnaldo Otegik. Era berean, osasun mahaian Konfebaskek duen ordezkapena kritikatu du, euren ustez etekinak lortzea bakarrik bilatzea duelako helburutzat.
Osasun Mahaiak ituneko 24 ildo estrategikoak babestu ditu
Desadostasun handiena eragin duten gaiak hizkuntza-politikari buruzkoak eta lankidetza publiko-pribatuari buruzkoak izan dira.
Auzitegi Konstituzionalak Amnistia Legea babestu ondoren, orain zer?
Printzipioz, Puigdemont atxilotzeko aginduak eta Junquerasen inhabilitazioak bere horretan jarraituko dute, baina Konstituzionalak ebazpena Estatuko Aldizkari Ofizialean argitaratzen duenean Auzitegi Gorenak buruzagi independentisten aurrekari penalak berrikusi beharko ditu.
Konstituzionalak amnistia babesteko arrazoiak: Kataluniako prozesu independentista "krisi politikoaren kasu paradigmatikoa" izan zen
Konstituzionalak ezustekorik gabe atzera bota du PPk aurkeztutako helegitea, baina ebazpenak berrikuntza batzuk ditu, besteak beste, amnistia justifikatzeko arrazoibidea sendotzea.
2030erako Turismo Plan Estrategikoak Gipuzkoaren eta lurraldean bizi diren pertsonen zaintza du ardatz
'Zatoz eta zaindu' goiburua duen planarekin, "bizikidetza osasuntsua" bultzatu da turismoaren esparruan, izan ere, BPGren % 8,4 dagokio sektoreari eta 40.000 familia baino gehiago enplegatzen ditu. Bost ardatz estrategikotan sostengatzen da Aldundiak diseinatutako plana.
Bilbok Basque Segurtasun Foroaren lehen jardunaldia hartuko du astelehenean, Euskadiko segurtasuna birdefinitzeko
Euskalduna Jauregia izango da Eusko Jaurlaritzak segurtasun integraleko eredu berria eztabaidatzeko eta eraikitzeko bultzatutako ekimenaren agertokia. Erakundeetako, enpresetako, gizarteko eta hezkuntzako ordezkariek parte hartuko dute.