Kontsulta Katalunian
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Margallo: 'Katalunia independentea ez da ekonomikoki bideragarria'

Kanpo Politika ministroaren aburuz, "Kataluniari oso ongi joan zaio eta agian hobeto joango zaio Espainia barruan jarraitzen badu".
Garcia Margallo Kanpo Politika ministroaren artxiboko irudia.EiTB
Garcia Margallo Kanpo Politika ministroaren artxiboko irudia.EiTB

Erredakzioa

Azken eguneratzea

Jose Manuel Garcia-Margallo Kanpo Politika ministroak adierazi duenez, kontsultak eta independentziak Katalunia ekonomikoki bideragarritasunik gabe utziko lukete. "Erabat sinetsita nago kataluniarrei ongi joan zaiela eta agian hobeto joango zaiela Espainia barruan jarraitzen badute", azaldu du Margallok.

El Periodico de Catalunya hedabideak Bartzelonan antolatu duen "Primera Plana" gosari-eztabaidan, Margallok azpimarratu du Katalunia Espainiatik banatzea akats larria izango litzatekeela, eta haren ekonomiak ondorio izugarriak jasango lituzkeela.

"Ez ezazu Katalunia ekonomikoki bideragarritasunik gabe utziko duen kontsulta baten alde egin", adierazi du Margallok, Kataluniako Gobernuari eta azaroaren 9rako deitutako kontsultari begira.

Horrela, "zer den bideragarria, zer den posible" eztabaidatu behar dela azpimarratu du. "Erabat sinetsita nago kataluniarrei ongi joan zaiela eta agian hobeto joango zaiela Espainia barruan jarraitzen badute, are gehiago, errekuperazioaren eragina nabaritzen hasi eta eredu aldaketa datorrelako", gehitu du ministroak. Haren adierazpenetan, alboan izan ditu Alicia Sanchez-Camacho Kataluniako PPko presidentea eta Llanos de Luna Kataluniako Gobernu ordezkaria.

Rajoy, 'elkarrizketarako prest' Kataluniako afera konpontzeko
Brusela: 'Independentziak Katalunia EBtik kanpo utziko luke'
Politika Katalunia Espainiako gobernua Espainia Kataluniako prozesuaren epaiketa

Zure interesekoa izan daiteke

Gehiago ikusi
Publizitatea
X